«Հարգելի հայրենակիցներ, երեքժամյա գրանցման ռեժիմը ավարտվեց, գրանցվել է ընդամենը 20 պատգամավոր, քվորում չունենք, նիստը չի կայանա»,- այսօր ասաց նիստը վարող ԱԺ փոխնախագահ Էդուարդ Շարմազանովը։

Հիշեցնենք, որ առավոտյան նիստին ներկա էր 17 պատգամավոր, բացակա՝ 113-ը, իսկ քվորում ապահովելու համար անհրաժեշտ էր 66 պատգամավորի ներկայություն։ Շարմազանովը, ըստ կարգի, երեք ժամ ժամանակ էր տվել պատգամավորներին՝ նիստին ներկայանալու համար, սակայն ավելացան միայն երեք պատգամավորներ։