Դեկտեմբերի 14-ից 16-ը Գյումրու զարգացման հիմնադրամը կանցկացնի երկրորդ Գյումրի-Կարս տնտեսական ֆորումը: Միջոցառումը կհամախմբի շուրջ 30  հայկական և թուրքական ընկերությունների, այդ թվում` պանրագործներ, մեղվապահներ, գինեգործներ, մսի և կաթի արտադրության ոլորտի, զբոսաշրջության և ռեստորանային գործի, ինչպես նաև քարի մշակման մասնագետներ Գյումրիից, Վանաձորից և Կարսից:

Այս տարի Գյումրի-Կարս տնտեսական ֆորումը կազմակերպվում է ԱՄՆ Միջազգային զարգացման գործակալության աջակցությամբ իրականացվող «Աջակցություն Հայաստան-Թուրքիա հարաբերությունների բարելավմանը» ծրագրի ֆինանսավորմամբ:

Ծրագիրն իրականացվում է կոնսորցիումի կողմից, որի կազմում ընդգրկված են Եվրասիա համագործակցություն հիմնադրամը, Երևանի մամուլի ակումբը, Մարդկային զարգացման միջազգային կենտրոնը և Հայաստանի արդյունաբերողների և գործարարների (գործատուների) միությունը: Ֆորումը համաֆինանսավորվում է նաև բրիտանական «Միջազգային տագնապ» կազմակերպության կողմից: