«Չորրորդ ինքնիշխանություն». կառավարության սթափ որոշումը
Նախօրեին ՀՀ կառավարությունը մի որոշում է ընդունել, որի համաձայն՝ այսուհետև թմրամոլներն, առանց սահմանափակման, կարող են աշխատել ռազմավարական օբյեկտներում, օրինակ՝ ատոմակայանում:
«ՉԻ» - Տիգրան Սարգսյանն այս որոշումը ընդունել է սթա՞փ վիճակում, թե՞ Թաթայի համերգից հետո, դժվար է ասել, բայց թմրամոլների իրավունքների նկատմամբ կառավարության մտահոգությունն իսկապես հուզիչ է:
Չնայած՝ տվյալ դեպքում գործ ունենք նաև սթափ հաշվարկի հետ: Օրինակ՝ եթե հետագայում որևէ բարձրաստիճան պաշտոնյա բռնվի աշխատավայրում թմրանյութ օգտագործելիս, շատ հանգիստ կարող է արդարանալ, թե «հա, բայց ի՞նչ ա պատահել, եթե ատոմակայանի նման ռազմավարական օբյեկտում են թմրամոլներ աշխատում, ես չե՞մ կարա թեթև դոզայի տակ ոլոլորտ ղեկավարել»:
Համ էլ՝ Հայաստանում այս կարգը գործում էր նաև մինչև կառավարության որոշումը, և կառավարությունն ընդամենը արձանագրել է փաստացի վիճակը: Խի տե՞նց ռազմավարական օբյեկտներ են ղեկավարել թմրամոլները:
Ի դեպ, որքանով տեղյակ ենք, Հայաստանի Հանրապետությունը նույնպես ռազմավարական օբյեկտ է:
Մեկնաբանել