«Հետք»-ում այսօր հրապարակված «Սահմանամերձ Ջիլիզայում շարունակվում է անտառների զանգվածային ոչնչացումը» վերնագրով հոդվածը Լոռու մարզի դատախազի հանձնարարությամբ ուղարկվել է ոստիկանության Լոռու մարզային վարչության Թումանյանի բաժին՝ ՀՀ քրեական դատավարության օրենսգրքի 180-181-րդ հոդվածների կարգով նյութեր նախապատրաստելու և ընթացքը լուծելու համար:

Այս մասին տեղեկացնում է գլխավոր դատախազության հանրային կապերի բաժինը:

Հիշեցնենք, որ «Հետք»-ի թղթակիցը Մադան- Ջիլիզա ճանապարհի 4-րդ կիլոմետրից սկսած դեպի Ջիլիզա գնացող ճանապարհաեզրի անտառի փեշերին շուրջ 50 թարմ հատված ծառերի կոճղերի էր հանդիպել, իսկ անտառի խորքում` նաև առանց պետհամարանիշների երկու բեռնատարների: