Պետական եկամուտների կոմիտեի կողմից տեղեկություն կներկայացվի նաև Եվրասիական տնտեսական միության անդամ երկրներից Հայաստան ներմուծված սննդամթերքի, սննդամթերքի հետ անմիջական շփման մեջ գտնվող նյութերի, անասնաբուժական և բուսասանիտարական կարանտին հսկողության (վերահսկողության) ենթակա ապրանքների վերաբերյալ։

Կառավարության այսօրվա նիստում նման առաջարկ էր ներկայացրել գյուղատնտեսության նախարար Իգնատի Առաքելյանը։ Սրա ապահովման համար անհրաժեշտ է փոփոխություն կատարել նախորդ տարի ընդունած որոշումներից մեկում։

Նախարարության հավաստմամբ՝ այս նախագծի ընդունումը կապահովվի նաև ԵԱՏՄ անդամ երկրներից Հայաստան ներմուծումների պատշաճ վերահսկողությունը:

Հավելենք, որ որոշման այս նախագիծը հաջորդեց օրեր առաջ հայկական շուկայում ադրբեջանական խնձորի վաճառքի դեպքերին, որը, ԱԱԾ-ի նախնական տվյալներով, Հայաստան էր ներմուծել մաքսանենգ ճանապարհով։