Այսօր արտաքին գործերի նախարար Էդվարդ Նախլբանդյանը հանդիպել է Արցախի իր գործընկերոջ՝ Կարեն Միրզոյանին։ Այս մասին տեղեկացնում է ԱԳՆ մամուլի ծառայությունը։ 

Զրույցի ընթացքում անդրադարձ արվեց Մոսկվայում նախորդ շաբաթ կայացած Հայաստանի, Ռուսաստանի և Ադրբեջանի արտգործնախարարների հանդիպմանը։ Նախարարները քննարկեցին երկու արտաքին քաղաքական գերատեսչությունների միջև փոխգործակցությանն առնչվող հարցեր: