HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Հրազդան գետի ջուրը փորձաքննության է ենթարկվում

«Ֆեյսբուք»-յան օգտատեր Վահե Ավետիսը իր էջում հրապարակել է լուսանկարներ և տեսանյութ, որում Հրազդան գետի մի հատված փրփուրանման զանգվածով է պատված:

«Հետք»-ի հետ զրույցում Վահեն ասաց, որ լուսանկարներն արել է առավոտյան 09:00-10:00-ն ընկած ժամանակահատվածում, որում Շենգավիթ վարչական շրջանով հոսող հատվածն է պատկերված, մասնավորապես` Երրորդ մասում ավելի հայտնի «Ղռերի փոս»-ը:

Վահեն կասկածներ ունի, թե փրփուրանման զանգվածը որտեղից է հայտնվել գետում, սակայն այս պահին չի ցանկանում դրանց մասին բարձրաձայնել' պատճառաբանելով, որ աշխատանքներ են տարվում դրանք հստակեցնելու ուղղությամբ:

Բնապահպանության նախարարության Հասարակայնության հետ կապերի բաժնի պետ Ալլա Սուքիասյանը մեզ փոխանցեց, որ գետում' փրփրանման զանգված երեկ ձկնորսներից մեկն է նկատել և զանգահարել է նախարարություն: Մասնագետները գնացել, նմուշառել են ջուրը, որպեսզի լաբորատոր փորձաքննության ենթարկեն, որի արդյունքների մասին դեռևս տեղյակ չեն:

Նրա փոխանցմամբ' նման ահազանգ Շենգավիթի բնակիչներից կրկին մեկ շաբաթ առաջ էին ստացել: Այդ տարածքով հոսող ջրի երեք նմուշ ենթարկել էին լաբորատոր փորձաքննության և պարզել, որ ջրի կազմում քիմիական կազմի էական փոփոխություն չկա, ենթադրվում է, որ այն եղել է վարարման արդյունքում, քանի որ եթե ջրում փրփուր լցված լիներ, կենդանական աշխարհը վնասված կլիներ, որի փաստ չի արձանագրվել:

Լուսանկարը` Վահե Ավետիսի

Մեկնաբանություններ (2)

ՀԲՃ
Եթե նախարարությունում սա համարում են վարարման արդյունք՝ ուրեմն շատ լուրջ է վիճակը այդ կառույցում:
Vahe Avetis
վարարման արդյու՞նգ )))))

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։