HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Հրազդան գետում ավտոլվացման կետերից, զվարճանքի վայրերից փրփրաջրեր են լցվել

«Փորձաքննությունը պարզել է, որ ջրի բաղադրությունում առանձնապես փոփոխություն չկա։ Բայց եղել են հեղուկներ՝ ավտոլվացման կետերից, զվարճանքի վայրերից։ Դրանց փրփուրներն է եղել»,- անդրադառանալով օրեր առաջ Հրազդան գետում փրփրանման զանգվածի հայտնաբերմանը` «Հետք»-ին այս մասին հայտնեց բնապահպանության նախարարության հասարակայնության հետ կապերի բաժնի պետ Ալլա Սուքիասյանը:

Նա նաև հավելեց, որ բնապահպանության նախարար Արծվիկ Մինասյանը հանձնարարական է տվել գետի այդ տարածքի ողջ երկայնքով ստուգումներ իրականացնել՝ պարզելու համար, թե որտեղից են թափվում փրփրաջրերը։

Հիշեցնենք, որ մայիսի 6-ին «Ֆեյսբուք» սոցցանցի օգտատեր Վահե Ավետիսն իր էջում հրապարակել է լուսանկարներ և տեսանյութ, որում Հրազդան գետի մի հատված փրփուրանման զանգվածով է պատված:

Բնապահպանության նախարարության Հասարակայնության հետ կապերի բաժնի պետ Ալլա Սուքիասյանը մեզ հաղորդել էր, որ նախարարության մասնագետները նմուշառել են ջուրը և տվել լաբորատոր փորձաքննության:

Լուսանկարը` Վահե Ավետիսի

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։