Տեսանյութեր
Լուսանկարներ
«Հրապարակ». Նեմեցը, Զապը, Սուրոն ու «Բջնին»
«Այ խելոք, ուզում ես ձրի տուր՝ չեն առնելու, անեծք կա էդ ջրի վրա, էլ սրան-նրան մի խառնի էդ գործին»: Այս խոսքերն են ուղղել Աժ պատգամավոր , ՀՖՖ նախագահ Ռուբեն Հայրապետյանին՝ «Բջնի» հանքային ջրերի ներկայիս սեփականատիրոջը, մեր գյումրեցի նամակագիրները: Հիշեցնենք, որ Ռուբեն Հայրապետյանը 2008-2009 թթ. գնեց Սուքիասյաններին պատկանող եւ վերջիններիս ջանքերի շնորհիվ բրենդ դարձած «Բջնին»:
Եւ ահա մի քանի տարի անց Գյումրիից որոշ խանութների սեփականատերեր նամակով հայտնում են, որ «Բջնի» հանքային ջրի «վատ» իրացման պատճառով գործին արդեն խառնվում են տեղի թաղային հեղինակությունները, գյումրեցոնց խոսքով՝ «Գյումրու ավտարետիտները»: «Օրենքով գող Զապը՝ Անդրանիկ Սողոյանը, եւ Պաշի տղա Սուրոն գլխով մտել են Նեմեցի կոմերցիայի մեջ ու հավանաբար մեծ սպասելիքներ ունեն, որ սաղին իրար են խառնել: Ճշտով տղերքը մտել են տակը, սրան-նրան կանչում-վոխեցնում են, թե՝ «Բջնին» ծախեք, թե չէ վատ կլինի»,- գրված է նամակում:
Հ.Գ. Երբ նյութն արդեն պատրաստ էր, մեզ զանգահարեց Ռուբեն Հայրապետյանը եւ մի շարք սպառնալիքներ նետեց: «Ես ձեզ զգուշացնում եմ, որ «Բջնիի» մասին նման հերյուրանքներ գրելու համար ես ձեզ դատի եմ տալու՝ իմ անձին, իմ գործարար համբավին վնաս հասցնելու համար»:
Մեկնաբանություններ (1)
Մեկնաբանել