Տեսանյութեր
Լուսանկարներ
«Հայկական ժամանակ». բուհը թողնում, արտագաղթում են
Խաչատուր Աբովյանի անվան հայկական պետական մանկավարժական համալսարանի տարբեր ֆակուլտետների առաջին կուրսեր ընդունված դիմորդներից 77-ը չի հրամանագրվել որպես ուսանող եւ դուրս է մնացել բուհից:
Հայտնի է, որ բուհի վճարովի համակարգ ընդունված դիմորդները որպես ուսանող հրամանագրվում են միայն այն բանից հետո, երբ վճարում են ուսման վարձի՝ առաջին կիսամյակի համար սահմանված չափը: Եվ ենթադրվում էր, որ հենց ուսման վարձը վճարելու հնարավորություն չունենալն էլ հիմնականում պատճառ է դարձել, որպեսզի Մանկավարժական համալսարան ընդունված բազմաթիվ դիմորդներ դուրս մնան բուհից: Ուսումնական գծով պրոռեկտոր Տիգրան Այվազյանը, սակայն, մեզ հետ զրույցում երեկ հերքեց այդ ենթադրությունը եւ բերեց որպես ուսանող չհրամանագրվելու այլ՝ կրկնակի մտահոգիչ պատճառ:
Բուհ ընդունվելով հանդերձ՝ այդպես էլ ուսանող չդառնալը պայմանավորված է այն հանգամանքով, որ նրանք ընտանիքների հետ միասին տեղափոխվել են արտերկիր: Ասել է թե՝ համալրել են արտագաղթողների առանց այդ էլ հսկայական բանակը:
«Առկա ուսուցման համակարգ ընդունված տարբեր ուսանողներ, որոնք դիմում են գրել եւ գործերը վերցրել, հիմնականում, ես ինչքան հիշում եմ, կապված է եղել Ռուսաստան մեկնելու հետ»,- նշում է պրոռեկտորը:
Շուրջ 15 ուսանողի էլ նրանց թողած ոչ մի կոորդինատով բուհի աշխատակիցները գտնել չեն կարողանում: Պրոռեկտորը չի բացառում, որ այդ դիմորդները նույնպես լքել են Հայաստանը:
Մեկնաբանություններ (1)
Մեկնաբանել