HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Կստեղծվեն «Բերդ» և «Ամբերդ ամրոց» պատմամշակութային արգելոցներ

Տավուշի մարզի Բերդ համայնքում կստեղծվի «Բերդ», իսկ Արագածոտնի մարզի Անտառուտ և Օրգով համայնքներում՝ «Ամբերդ ամրոց» պատմամշակութային արգելոցները: Կառավարության այսօրվա նիստում հավանության արժանացավ մշակույթի նախարար Արմեն Ամիրյանի ներկայացրած այս առաջարկը։

Այս արգելոցներում նաև զբոսավարի, ուղեկցորդի, էքսկուրսային, մշակութային և հանրային սննդի ծառայություններ կմատուցվեն՝ սահմանված ռեժիմներին համապատասխան։

Նախագծում ասվում է, որ «Ամբերդ ամրոց» և «Բերդ» պատմամշակութային արգելոցների ստեղծումը պայմանավորված է այն հանգամանքով, որ այդ արգելոց-հուշարձանները հանդիսանում են հանրապետական նշանակության հուշարձաններ և ընդգրկված են պետական ցուցակում։

«Միաժամանակ, արգելոցների ստեղծումը կնպաստի զբոսաշրջության զարգացմանը և զբոսաշրջիկների թվի աճին»,-ասվում է կառավարություն ներկայացված որոշման նախագծում։

Հավելենք, որ «Ամբերդ ամրոց պատմամշակութային արգելոցի տարածքում կա 23 հուշարձան, մասնավորապես՝ 10-14-րդ դարի ամրոց-համալիր Ամբերդը, մ.թ. ա 1 հազ. Ամրոց «Բերդ» և 10-14դդ. Ամրոց «Տավուշ» («ԹՈՎՈՒԶ ՂԱԼԱ»)-ն։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter