![](/static/articles/07/93/41/l-UBCUoWDdOk.jpg)
Գևորգ Կոստանյանը կվերադառնա ՄԻԵԴ
ՀՀԿ-ական պատգամավոր, նախկին գլխավոր դատախազ Գևորգ Կոստանյանը կնշանակվի Մարդու իրավունքների եվրոպական դատարանում Հայաստանի ներկայացուցիչ։
Գործադիրը այսօրվա նիստում հավանության արժանացրեց արդարադատության նախարար Դավիթ Հարությունյանի ներկայացրած որոշման այս նախագիծը։
Դեռևս մայիսի 17-ին Կոստանյանը վարչապետի որոշմամբ ազատվել էր այս պաշտոնից։ Կոստանյանը 2004 թվականի փետրվարին ևս վարչապետի որոշմամբ նշանակվել էր Մարդու իրավունքների եվրոպական դատարանում Հայաստանի կառավարության լիազոր ներկայացուցչի պաշտոնում։
Հավելենք, որ ներկայացուցիչը ՄԻԵԴ-ում ներկայացնում և պաշտպանում է Հայաստանի դիրքորոշումը, վերահսկում Հայաստանի վերաբերյալ կայացված պարտավորեցնող վճիռների և որոշումների կատարման ընթացքը:
Եվրոպական դատարանում Հայաստանի ներկայացուցչության անընդհատությունն ապահովելու համար այս ներկայացուցչին կարող է փոխարինել Հայաստանի արդարադատության նախարարի տեղակալը, որին որոշում է նախարարը՝ ՄԻԵԴ-ի այդ ներկայացուցիչ առաջարկությամբ:
Մեկնաբանել