Այսօր Լիլիթի ծննդյան օրն է: «Ֆեյսբուքում» ստեղծված «Լիլիթը մանկության կարիք ունի» խմբի անդամներից Զառայի եւ նրա ամուսնու հետ մեկնեցինք Սիփանիկ՝ Լիլիթին շնորհավորելու: Մեր այցելությունից առաջ Լիլիթը մոտ մեկ ժամ տեւած հազի նոպա էր ունեցել: Տեսնելով հյուրերին՝ Լիլիթի դեմքին կրկին ժպիտ առաջացավ:

«Թող բոլորն առողջ լինեն»,- մի անգամ իր երազանքների մասին պատմելիս՝ ասաց Լիլիթը: Այս անգամ էլ նա իր մտքում պահեց երազանքն ու փչեց տոնական մոմերը:

Հիշեցնենք, ըստ դեկտեմբերի 12-ի տվյալներին՝ Կարինե Սարգսյանի անվամբ «Կոնվերս» բանկում բացված դրամական հաշվեհամարին փոխանցվել է 2,121,500 դրամ, դոլարայինին` 1507 ԱՄՆ դոլար, իսկ եվրոյով փոխանցվել է 1005 եվրո:

Լիլիթենց բնակարանի համար նախատեսված գումարի մեծ մասն արդեն հավաքվել է: Դրամահավաքին մասնակցել են նաեւ գործարարներ ու ձեռնարկություններ: Եթե դեռեւս չեք փոխանցել ձեր 1000 դրամը, մի մոռացեք, որ յուրաքանչյուրիս 1000 դրամը Լիլիթենց տան հիմնաքարերից մեկն է:

Հաշվեհամար՝

«Կոնվերս» բանկ, Երեւան

Դրամային հաշվեհամար`         19300  412235 70100

Հաշվեհամար եվրոյով`             19300  41223570104

Դոլարային հաշվեհամար`        19300  41223570101

Փոխանցեք Լիլիթի մոր՝ Կարինե Սարգսյանի անունով: