Այս տարվա մայիսի վերջի դրությամբ՝ Հայաստանի համախառն միջազգային պահուստները կազմել են 1.982 մլրդ ԱՄՆ դոլար։ Ապրիլի համեմատ՝ երկրի միջազգային պահուստներն աճել են մոտ 43 մլն դոլարով կամ 2.2%-ով։ Այս մասին են վկայում կենտրոնական բանկի հրապարակած տվյալները։

Սակայն տարեսկզբի՝ դեկտեմբերի վերջին գրանցված ցուցանիշի համեմատ՝ միջազգային պահուստները նվազել են մոտ 222 մլն դոլարով կամ մոտ 10.1%-ով։  

Ինֆոգրաֆիկայում Հայաստանի միջազգային պահուստների դինամիկան է վերջին 5 տարվա կտրվածքով՝ ըստ նշված ամսա վերջի դրությամբ գրանցված ցուցանիշների։

Հայաստանի միջազգային պահուստները գրեթե ամբողջությամբ արտարժույթով են, իսկ ոսկի կամ այլ պահուստային ակտիվներ չկան։

Միջազգային պահուստների գլխավոր նպատակներից է պետական պարտքի սպասարկումը: Իսկ ՀՀ պետական պարտքը շարունակում  է աճել ու հատել 6 մլրդ դոլարի շեմը։