Տեսանյութեր
Լուսանկարներ
Թեհրանում կայացել են ԵԱՏՄ-ԻԻՀ բանակցությունները
Հունիսի 13-ից 14-ը Թեհրանում կայացել են ԵԱՏՄ և ԻԻՀ միջև ժամանակավոր ազատ առևտրի գոտու ստեղծման համաձայնագրի կնքմանն ուղղված բանակցություններն ու խորհրդակցությունները, որին մասնակցել է նաև Հայաստանի տնտեսական զարգացման և ներդրումների նախարարության պատվիրակությունը:
Խորհրդակցությունների ընթացքում քննարկվել է համաձայնագրի նախագծի տեքստը, որը կողմերի միջև լրամշակվել և, ընհանուր առմամբ, համաձայնացվել է, բացառությամբ որոշ դրույթների:
Տնտեսական զարգացման և ներդրումների նախարարությունը տեղեկացնում է, որ քննարկվել են նաև համաձայնագրին կից այն գյուղատնտեսական և արդյունաբերական ապրանքների ցանկերը, որոնց մասով Կողմերը առաջարկել են կիրառել սակագնային արտոնություններ:
Խորհրդակցությունների արդյունքում կողմերը պայմանավորվել են շարունակել քննարկումները՝ նպատակ ունենալով մոտ ապագայում ստորագրելու նշված ժամանակավոր հանաձայնագիրը:
Մեկնաբանել