Արագածոտնի մարզում 2010թ. անօրինական կարգով զորակոչի եւ տարկետման որեւէ դեպք չի գրանցվել, սակայն մտահոգիչ է համայնքներում չկցագրված պատանիների թիվը:

Մարզում կա 1840 չկցագրված պատանի, որոնք բացակայում են հանրապետությունից: Որոնողական աշխատանքներ իրականացնելու նպատակով նրանց տվյալները փոխանցվել են ոստիկանություն ու գլխավոր դատախազություն:

Կառավարության 27.05.2010թ. Ն 657 որոշմամբ ՏԻՄ մարմիններում եւ ուսումնական հաստատություններում զինապարտների գրանցամատյանում արված գրառումների հիման վրա յուրաքանչյուր տարվա մինչեւ սեպտեմբերի 15-ը կազմվում են ցուցակներ, եւ համայնքի ղեկավարները դրանք պարտավոր են ներկայացնել տարածքային զինկոմիսարիատներ:

Կառավարության նշված որոշումից հետո Արագածոտնի մարզում 12 համայնք որեւէ տվյալ մինչ օրս չի ներկայացրել զինկոմիսարիատ: 340 չկցագրված պատանի կա միայն Աշտարակ քաղաքում, Թալինում՝ 84, իսկ Կարբիում՝ 34:

Ինչպես երեկ՝ մարզխորհրդի նիստի ժամանակ, տեղեկացրեց մարզի զինկոմիսարիատի առաջին բաժնի պետ պրն Մեջլումյանը, Արագածոտնի մարզում 2010թ. 14 պատանիների նկատմամբ հարուցվել են քրական գործեր, քանի որ նրանք խուսափել են զինվորական ծառայությունից: