Ազգային ժողովն այսօր 64 կողմ, 31 դեմ ձայների հարաբերակցությամբ ընդունեց կառավարության 2017-2022 թթ. ծրագիրը։

Ծրագրին դեմ քվեարկեցին «ԵԼՔ» և «Ծառուկյան» դաշինքները։

Այսօր ազգային ժողովի գումարված արտահերթ նիստի երկրորդ օրն էր։ Առավոտյան տեղի ունեցած ներկա-բացակայից պարզվեց, որ նիստին ներկա է 81 պատգամավոր, բացակա՝ 24-ը։ Սակայն քվեարկության ժամանակ պատգամավորների թիվն ավելացավ՝ դառնալով 95։

Կառավարության ծրագրի քննարկմանը ներկա էին նաև գործադիրի անդամներ, որի պատճառով այսօր կայանալիք կառավարության նիստը հետաձգվել է։