Վաղը Երևանի պետական լեզվաբանական համալսարանում կորեերենիի և մշակութի կենտրոնի դասախոսների նախաձեռնությամբ և լեզուն ուսումնասիրող ուսանողների մասնակցությամբ տեղի կունենա «Կորեայի մշակույթի օր» միջոցառումը, որի շրջանակներում կանցկացվեն բանավոր խոսքի, ֆիլմերի և երգ ու պարի մրցույթներ:

Կենտրոնի դասախոսների և ուսանողների համատեղ ուժերով կազմվել և հրատարակվել է «Կորեերեն-հայերեն և հայերեն-կորեերեն» առաջին բառարանը: Կորեերեն լեզվի և կորեական մշակույթի շրջանակներում կազմակերպվել են բազմաթիվ միջոցառումներ՝ օլիմպիադաներ, սպորտային խաղեր, կորեերեն լեզվի որակավորման քննություններ:

Այժմ կենտրոնում, բացի ազգությամբ կորեացի դասախոսից, դասավանդում են նաև Կորեայի Հանրապետությունում ուսում ստացած և մասնագիտացած ԵՊԼՀ շրջանավարտները:

Ինչպես նշվում է ԵՊԼՀ-ի մամլո հաղորդագրության մեջ, ԵՊԼՀ-ի մոտ 170 ուսանող այժմ ուսումնասիրում է կորեերենը որպես երկրորդ և երրորդ մասնագիտական լեզու: Կորեերենը դասավանդվում է ԵՊԼՀ-ում 2006թ. սեպտեմբերի 1-ից: