Դիանա Ղազարյան, Լարիսա Փարեմուզյան, Սարո Բաղդասարյան

Լոռու մարզի Արևածագ գյուղում մի փայտագործ է մնացել: 85-ամյա արևածագցի Աշոտ Աբրահամյանը 7 տարեկանից փայտագործությամբ է զբաղվում: Ճիշտ է՝ հիմա այդքան շատ չեն փայտագործի պատվերները, բայց մարզեցիների համար հիմնականում գյուղատնտեսական գործիքների փայտե մասերն է սարքում:

Քիչ չեն նաև փայտե շերեփների պատվերները, բայց դրանց քանակը պարոն Աշոտին չի գոհացնում։ Այդ պատճառով վերջին շրջանում գյուղատնտեսությամբ է զբաղվում՝ տանը կից այգին մշակում:

77 տարվա փայտագործը տարիներ առաջ պահարաններ, կահույք ու երաժշտական գործիք է սարքել։ Դրանց մի մասը վերանորոգման համար պահել է նկուղում, մյուս մասն էլ հյուրասենյակում ու ննջասենյակներում է դրված:

Հիմա էլ, պատվերներ ունենալու դեպքում, փայտագործը պատրաստ է փայտե կահույք պատրաստել.«Դեռ հլա աչքս աշխատանքի մեջ ա։ 85 տարեկան եմ, բայց աչքս հլա աշխատանքի մեջ ա։ Գյուղի մարդիկ ենք, գյուղին ենք սովոր։ Աչքներս բացել ենք գյուղում ենք, մինչև հմի էլ գյուղում ենք»։