Տեսանյութեր
Լուսանկարներ
Հայկական պատվիրակությունը մասնակցել է «Չինաստանի ներդրումային համաժողով-2017» միջոցառմանը
Առողջապահության նախարար Լևոն Ալթունյանի գլխավորած պատվիրակությունը մասնակցել է չեխ-չինական համագործակցության Պալատի և «Չինաստանի տնտեսական ֆորում» փոխգործակցության կենտրոնի կողմից Պրահայում կազմակերպված «Չինաստանի ներդրումային համաժողով-2017» միջոցառմանը, որը համախմբել է աշխարհի տարբեր երկրների և տարբեր ոլորտների ներկայացուցիչներին: Այս մասին հայտնում է առողջապահության նախարարությունը։
Համաժողովի ընթացքում քննարկվել են չինական ներդրումային ծրագրերը, այդ թվում` առողջապահական, Չինաստան-Կենտրոնական և Արևելյան Եվրոպայի երկրների համագործակցության շրջանակները, դրանց ընդլայնման հնարավորությունները: Անդրադարձ է կատարվել նաև ավանդական բժշկության, բժշկական տուրիզմի խթանման, ինչպես նաև շարունակական մասնագիտական զարգացման հարցերին:
Հաղորդագրությունում նշվում է, որ համաժողովին մասնակցել են Չինաստանի ու Կենտրոնական և Արևելյան Եվրոպայի 16 երկրի բարձրաստիճան քաղաքական գործիչներ, դիվանագետեր և գործարարներ:
Այնուհետև, հայկական պատվիրակությունը մասնակցել է Պրահայի ամրոցում Չեխիայի խորհրդարանի պատգամավորների պալատի նախագահի անունից կազմակերպված պաշտոնական ճաշին:
Մեկնաբանել