HY RU EN

Հայաստանը դիմել է ՌԴ-ին` Խոսրովի անտառում բռնկված հրդեհի մարման աշխատանքներին աջակցելու համար

Օգոստոսի 12-ին հայտնել էինք, որ Արտակարգ իրավիճակների նախարարությունն ահազանգ է ստացել, որ Արարատի մարզի Ուրցաձոր գյուղից մոտ 20 կմ հյուսիս՝ «Խոսրովի անտառ» պետական արգելոցում այրվում է բուսածածկ տարածք: Արդեն երկու օր է` հրդեհը չի հաջողվում մարել: 

Այսօր ԱԻՆ-ը տեղեկացնում է, որ նախարար Դավիթ Տոնոյանը դիմել է ՌԴ ԱԻ նախարար Վլադիմիր Պուչկովին՝ տրամադրելու հրդեհաշիջման աշխատանքներ իրականացնող ինքնաթիռ՝ «Խոսրովի անտառ» պետական արգելոցում բռնկված հրդեհի մարման աշխատանքներին աջակցելու համար:

Ներկայումս նախապատրաստական աշխատանքներ են տարվում ինքնաթիռը Հայաստան բերելու ուղղությամբ:

Լուսանկարը` ԱԻՆ-ի