ՀՀ ոստիկանության հասարակայնության հետ կապերի և լրատվության վարչության պետ Աշոտ Ահարոնյանը «Հետքի» հետ զրույցում հերքեց մի շարք կայքերի այն հրապարակումները, թե ոստիկանապետ Վլադիմիր Գասպարյանի հրահանգով ոստիկանության աշխատակիցներին արգելվել է անձնական էջեր ունենալ Facebook, Odnoklassniki և նման այլ հայտնի սոցիալական ցանցերում:

Աշոտ Ահարոնյանը ևս գրանցված է Facebook սոցիալական ցանցում և հավաստիացրեց, որ ոստիկանապետը որևէ հրահանգ կամ կարգադրություն չի ստորագրել սոցիալական ցանցերում ոստիկանների կողմից էջեր ունենալու վերաբերյալ: