Կառավարության այսօրվա նիստում  «Արիդես» ընկերությանը «Ալյանս» ազատ տնտեսական գոտու «ՌԱՕ Մարս» ՓԲԸ տարածքում շահագործողի թույլտվություն տրվեց։

Ընկերությունը էլեկտրոնիկայի և ճշգրիտ ճարտարագիտության ոլորտում գործունեություն է ծավալելու, ինչպես նաև նորարարական տեխնոլոգիաներով բժշկական սարքեր և սանիտարական հարմարանքներ է արտադրելու:

«Արիդես»-ը «Ալյանս» ազատ տնտեսական գոտում շահագործման թույլտվություն ստացել էր 2016 թվականի հուլիսի 14-ին։ Այդ թույլտվությամբ արտադրելու էր ալկոթեստերային սարքեր։ Այժմ ընկերությունը ցանկանում է ընդլայնել իր գործունեությունը՝ արտադրել նորարարական տեխնոլոգիաներով բժշկական սարքեր և սանիտարական հարմարանքներ։ Ինչպես ասվում է որոշման նախագծում՝ «Արիդես»-ը արդեն իրականացրել է մոտ 170 մլն դրամի ներդրում։

Լուսանկարը՝ fez.am-ի