HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արարատ Դավթյան

Երկու հէկ նույն տարածքում. ո՞վ է կանգնած «հաղթողի» թիկունքում (տեսանյութ)

Ալիկ Աբրահամյանը նախկին պաշտոնյա է. մինչեւ թոշակի անցնելը եղել է Էներգետիկայի նախարարության շահագործման հսկողության վարչության պետը: Նա «ԱլՌուբ» ՍՊԸ-ի հիմնադիրն է եւ 2009 թ. համապատասխան մասնագետների հետ ուսումնասիրություններ կատարելուց հետո համոզվել է, որ Վայոց ձորի մարզի Շատին գյուղի տարածքում՝ Արփա գետի Եղեգիս վտակի վրա, փոքր հէկ կառուցելը տնտեսապես բավական շահավետ է:

Ալիկ Աբրահամյանը երկու տեղացի գործընկերոջ հետ հէկ կառուցելու փաթեթ է պատրաստել: Դեռ 2009 թ. դեկտեմբերին «ԱլՌուբ» ՍՊԸ-ն սերվիտուտի պայմանագրով Շատինի գյուղապետարանից 50 տարով վարձակալել է մոտ 1 հա հողատարածք: 2010 թ. մարտին բնապահպանության նախարար Արամ Հարությունյանը ընկերությանը հատկացրել է ջրօգտագործման թույլտվություն, իսկ ՀՀ կառավարությունը համապատասխան որոմամբ հողի կատեգորիան փոխել է՝ դարձնելով էներգետիկ նշանակության:

«Մնացել էր՝ մտնեինք Հանրային ծառայությունները կարգավորող հանձնաժողով, որպեսզի ստանայինք շինարարության լիցենզիա,- մանրամասնում է Ալիկ Աբրահամյանը:- Այդ ընթացքում Վայոց ձորի մարզպետ Սերգեյ Բագրատյանը (ես նրան վաղուց եմ ճանաչում) հարցրեց, թե ինչպես եմ լուծել ֆինանսական հարցերը: Ասացի, որ վարկավորման երկու տարբերակ ունեմ. նրանցից որ մեկի առաջարկն ավելի շահավետ լինի, այն էլ կվերցնեմ»:

Ըստ Աբրահամյանի՝ կառուցվելիք հէկի եկամուտներից համապատասխան մասնաբաժնի դիմաց մարզպետն առաջարկել է անձամբ լուծել ֆինանսական հարցերը:

«Ասաց՝ ձեր տեխնիկատնտեսական հիմնավորումը տուր, բանկերին ցույց տամ, տեսնեմ, թե ումից եմ ցածր տոկոսադրույքով գումար ճարում: Ամբողջ փաստաթղթերը վերցրեց ու էսօր-էգուց ասելով՝ սկսեց ձգձգել»,- պատմում է Ալիկ Աբրահամյանը:

Մարզպետ Սերգեյ Բագրատյանը «Հետքի» հետ զրույցում ասաց, որ դեռ 2008 թ., երբ ինքը բիզնեսով էր զբաղվում, մեկ այլ ընկերություն՝ «ՎՏՎ էներջի» ՍՊԸ-ն, իրեն առաջարկել է Վայոց ձորի մարզում միասին հէկ կառուցել: Ավելի ուշ նույն խնդրանքով իրեն դիմել է նաեւ «ԱլՌուբ» ՍՊԸ-ն: Բայց նախկին մարզպետ Վարդգես Մաթեւոսյանը երկու դեպքում էլ հէկ կառուցելու թույլտվություն չի տվել: Իսկ արդեն 2010 թ. ամռանը մարզպետ է նշանակվել ինքը եւ որոշել թե «ՎՏՎ էներջի»-ի, թե «ԱլՌուբ»-ի՝ համատեղ հէկ կառուցելու առաջարկներից հրաժարվել: Սակայն միեւնույն ժամանակ փորձել է երկու ընկերությանն էլ օժանդակել, որպեսզի վերջիններս ի կատար ածեն «հէկ կառուցելու իրենց ամագը»:

Իրավաբանական անձանց պետական ռեգիստրի կայքէջի համաձայն՝ «ՎՏՎ էներջի» ՍՊԸ-ն գրանցվել է այս տարվա հունվարի 27-ին: Անհասկանալի է, թե ինչպես է գոյություն չունեցող ընկերությունը հէկ կառուցելու թույլտվությամբ դիմել Վայոց ձորի մարզպետարան եւ նախկին մարզպետից մերժում ստացել:

Հիմնադրումից մի քանի ամիս անց՝ 2011թ. օգոստոսի 8-ին, «ՎՏՎ էներջին» Շատինի եւ հարեւան համայնքի՝ Եղեգիսի գյուղապետարանների հետ փոքր հէկ կառուցելու նպատակով կնքել է հողի վարձակալության պայմանագրեր: Իսկ դրանից դեռ երկու շաբաթ առաջ բնապահպանության նախարար Արամ Հարությունյանը «ՎՏՎ էներջի»-ին տվել է ջրօգտագործման թույլտվություն:

«Սա ուղղակի խայտառակություն է. նախարարը նույն տարածքի վրա երկու ջրօգտագործման թույլտվություն է տալիս: «ՎՏՎ էներջին» էլ այդ կեղծ ջրօգտագործման թույլտվությունով մտնում է հանրային ծառայությունները կարգավորող հանձնաժողով, շատ արագ շինարարության թույլտվության լիցենզիա ստանում, ու սկսում են իմ հողի վրա շինարարություն անել: Ասում են, թե իբր դա ոչ թե Շատինի, այլ Եղեգիսի վարչական տարածքն է»,- նշում է Ալիկ Աբրահամյանը:

«ՎՏՎ էներջի» ՍՊԸ-ն գրանցված է Տիգրան Պողոսյանի անունով: Ալիկ Աբրահամյանի եղբոր որդին՝ Տիգրանը, նշում է, թե իր տեղեկություններով՝ այս ընկերության հետ կապ ունի նաեւ «Արարատցեմենտ» գործարանի հիմնական իրացնող Արմեն Մուրադյանը (մականունը՝ «Շլամ»): Հիշեցնենք՝ անցյալ ամիս վերջինս կալանավորվել էր թմրամիջոցների ապօրինի շրջանառության կասկածանքով:

«ՎՏՎ էներջի»-ի ղեկավության հետ «ԱլՌուբ» ՍՊԸ-ի ղեկավարները չեն խոսել: Ալիկ Աբրահամյանն ասում է, թե դա իմաստ չունի, քանի որ իրականում ստեղծված վիճակը մարզպետ Սերգեյ Բագրատյանի, նրա հովանավորների եւ բնապահպանության նախարարի պաշտոնական դիրքի չարաշահման հետեւանքն է:

Ըստ փաստաթղթերի՝ «ՎՏՎ էներջին» իր հէկի համար Եղեգիս վտակից ջրառը պետք է կատարի Եղեգիսի տարածքում, իսկ ջուրը վտակ վերադարձնի արդեն Շատինում:

«Ստացվում է, որ նրանք իրենց ջրթափը կատարում են իմ ջրառից այն կողմ, այսինքն՝ ինձ համար էլ ջուր չի մնում,- մանրամասնում է Ալիկ Աբրահամյանը:-Ջրօգտագործման թույլտվություն տալիս գոնե պետք է այնպես անեին, որ մինչեւ իմ ջրառը «ՎՏՎ էներջին» ջուրը լցներ գետ, որ մեր հէկը կարողանա աշխատել»:

Սակայն այսքանով հանդերձ «ՎՏՎ էներջին» սկսել է ջրավազան կառուցել հենց Շատին համայնքի տարածքում, այսինքն՝ նա իր ջրառը կատարելու է ճիշտ այն տեղում, որտեղից պետք է նույն բանն աներ «ԱլՌուբ» ՍՊԸ-ն:

«Բնապահպանության նախարարությունից կամիսիա կանչեցինք, կոորդինատները ճշտեցին ու ասացին, որ մենք ճիշտ ենք. սա ոչ թե Եղեգիսի, այլ Շատինի վարչական տարածքն է՝ ճիշտ «ԱլՌուբ»-ի ջրօգտագործման սկիզբը: Բայց միեւնույն է՝ «ՎՏՎ էներջի»-ի շինարարներն ասում են՝ մեզ ասել են ստեղ ծակեք, մենք էլ ստեղ ենք աշխատում»,- ասում է Ալիկ Աբրահամյանը: Իսկ նրա եղբորորդին հավելում է, թե պատճառն այն է, որ «ՎՏՎ էներջին» (հավանաբար, մարզպետ Սերգեյ Բագրատյանից) գնել է հէկ կառուցելու իրենց փաթեթը:

«Նրանց տեխնիկատնտեսական հիմնավորումները ոնց որ «ԱլՌուբի» հիմնավորումների քսերոքսը լինի. ամեն ինչ՝ խողովակի տարողությունից, ջրի քանակությունից սկսած, մինչեւ հէկի հզորություն համընկնում է: Մեկ-երկու թիվ է տարբեր, բայց դրանք ֆիկտիվ բնույթ են կրում. ուղղակի ոմանց խաբելու համար են: Դրա համար էլ, անկախ այդ թվերի տարբերությունից, շինարարությունը հենց մեր նախագծածով են իրականացնում»,- ասում է Տիգրան Հայրապետյանը:  

Մարզպետ Սերգեյ Բագրատյանը «ԱլՌուբի» տեխնիկատնտեսական հիմնավորումները «ՎՏՎ էներջի»-ին վաճառելու խոսակցությունները համարում է անհեթեթություն: Նա շեշտում է, որ «ՎՏՎ էներջին» շատ ավելի վաղ էր մտադրվել փոքր հէկ կառուցել, եւ կառավարության համապատասխան որոշումն էլ այս ընկերությունն ավելի շուտ է ստացել, քան «ԱլՌուբ» ՍՊԸ-ն:

«Երբ «ԱլՌուբը» դիմել էր թույլտվության խնդրանքով, նույնիսկ սկզբում կառավարությունը գտավ, որ նրանց կողմից Շատին համայնքում հէկի կառուցումը նպատակահարմար չէ, քանի որ դրանից մի քիչ վերեւ՝ Եղեգիս գյուղում, հէկ կառուցելու թույլտվություն «ՎՏՎ էներջին» արդեն ստացել էր: Ես գրավոր դիմեցի կառավարությանը, հիմնավորեցի, որ փոխգործակցության դեպքում ջուրը երկու հէկին էլ կբավականացնի, երկուսն էլ կարող են նորմալ աշխատել: Իմ խնդրանքը բավարարվեց, եւ «ԱլՌուբի» մասով կառավարության համապատասխան որոշումը կայացվեց»,- ասում է Վայոց ձորի մարզպետը՝ պնդելով, որ «ՎՏՎ էներջին» ջրառը կատարելու է Եղեգիսի վարչական տարածքում: 

Ալիկ Աբրահամյանն էլ, վերհիշելով մարզպետ Բագրատյանի հետ վերջին հանդիպումը, ասում է, թե վերջինս «ՎՏՎ էներջի»-ի «հաջողությունը» պայմանավորել է փոխվարչապետ Արմեն Գեւորգյանի շահագրգռությամբ. «Չորս հոգու ներկայությամբ մարզպետը երդվեց, որ այս ամենի հետեւում Արմեն Գեւորգյանն է»:

«Ես ուղղակի ասել եմ՝ փոխվարչապետը չի թույլատրում երկրորդ հէկը կառուցել, բայց ես խնդրել եմ, որ թույլ տա: Այսքան բան: Արմեն Գեւորգյանը որեւէ առնչություն չունի նման բաներիր հետ: Իրենք շահարկում են մարդկանց անուններ, որի պատասխանը չեն կարող տալ»,- ասում է մարզպետ Բագրատյանը:

«ԱլՌուբ» ՍՊԸ-ն դիմել է Արարատի եւ Վայոց ձորի մարզի առաջին ատյանի դատարան: Դատավոր Հարություն Ենոքյանը շինարարության վրա արգելանք է դրել մինչեւ դատական ակտի կայացում: Սակայն մոտ 1 ամիս անց «ՎՏՎ էներջի»-ի միջնորդությամբ դատավորը արգելանքը հանել է, եւ նախորդ շաբաթ շինաշխատանքները վերսկսվել են:

Ալիկ Աբրահամյանն արդեն նամակ է գրել Սերժ Սարգսյանին: Նա հույս ունի, որ խնդրի հրապարակայնացման շնորհիվ նախագահն անձամբ կսկսի զբաղվել այս հարցով եւ իր պաշտոնյաներին, ի վերջո, կհարցնի. «Էս ինչո՞վ եք զբաղվում»:

Մեկնաբանություններ (39)

Վարդանիչ
Պարոն Աբրահամյան, արդարությունը հաղթելու է մեր երկրում և թող այդ հաղթանակը սկսի Ձեզանով
Նարինե
Կարծես թե իշխանություննէրը դիտումնավոր կերպով անում են ամեն ինչ որպեսզի Հայաստանը դատարկեն: Ամենայն հավանականությամբ Հայաստանը արդեն ծախել են: Խեղճ ժողովուրդ, վա՜յ ձեզ, որովհետեւ պայքարելու հույսդ էլ ես կորցնում: Սենց գրելով բան դուրս չի գա, լուրջ պայքարա պետք:
Սոնա
Ես չեմ հասկանում էս երկիրը լրիվ անտերա ? Ոնց կարելիա նման բան թույլ տալ (նույն տարացքի վրա երկու վկայական): Մարդ արդեն վախենումա ստեղ ապրելուց, նույն ձեւով կարան մարդուց տունն ել վերցնել: Երկրի Նախագահը ինչովա զբաղված ??????
Artur
es yerkrum [email protected] pashtonova voroshvum amota mez hayeris ,bayc piti ga mi or vor orenqov voroshvi huys unenanq vor paron Abrahamyani gorcic ksksvi
Lusine
Tshmartaxos [email protected] Surb Hogu durn e, isk staxos [email protected] djoxqi durn e ev deveri [email protected]: Hetevabar dzer [email protected] varjecreq [email protected], vorpeszi Surb Hogin bnakvi dzer mej: Hovhannes Erznkaci
Lusine
hargeli xmbagrutun, es i nkati unei vortex e [email protected] Hovhannes Erznkacu xosqeric, isk duq inch i nkati uneiq erb 35 keti tak drel eq [email protected]!!!!
Լուսինե
ես միշտ հավատացել եմ հեքիաթներին, նրան որ չարը միշտ էլ պատժվում է: Ասում են` եթե հավատդ անկեղծ է, առանց վերապահումների, ուրեմն հաստատ կլինի այն, ինչին հավատում ես )))) Ինչքան ժամանակ էլ անցնի, միևնույնն է, բարին չի կարող չհաղթանակել: Հիմա նույնպես հավատում եմ դրան` ՁԵՐ ՀԱՂԹԱՆԱԿԻՆ:Այն , որ Դուք ցուցաբերել եք համարձակություն խնդրի մասին բարձրաձայնելով` չվախենալով, որ ձեզնից հզորները կարող են փակել բոլոր շնչուղիները, արդեն հույս է ներշնչում, որ հայ ժողովուրդը ողորմելի չէ, ինչպես կարծում են մեր այսօրվա շատ պաշտոնյաներ : Նրանց կարծիքով ժողովրդին պետք է մի փոր հաց ու վերջ, նրանք կդառնան ողորմելի ոչխարներ ու ձայն չեն հանի չեն բողոքի ոչ մի անարդարության դեմ: ՍԽԱԼՎՈՒՄ ԵՔ... Ես ՁԵԶ հետ եմ հարգելի պարոն Աբրահամյան. Ես հավատում եմ Ձեզ..................... հարգանքներով` Լուսինե
Lusine
Lusine
: Hovhannes Erznkaci
Miqayel
Teseq te ur en hasel arden aknhayt en xlum azniv mardkanc [email protected] Astvac dzer [email protected] kberi dzer arac [email protected] Bag. ev nra hovanavorner
Ruben
sergey bagratyan ev nra koxmnakicner anbaro qaylerov minchev ur petq e hasneq. ete cuyc lini es mec hajuyqov kmasnakcem anorinakannerin xochndot handisanalu hamar
Աիդա
Այս պաշտոնյաներից և ոչ մեկը չունի այն ավանդի գոնե կեսը, որ Հայաստանի և մեր ժողովրդի համար ներ է դրել հարգելի պարոն Աբրահամյանը:
Գոռ
Ինչքանով թուրքէրը Հայոց գէնոցիդը կընդունեն այդքանով էլ էս թուրքացած կառավարությունը իրա սխալները կնդունի: Սրանց պէտքա ... (ականջդ կանչի ՍՈՂՈՄՈՆ ԹԷՀԼԵՐՅԱՆ)
Tatev
Tox gone mek angam pashtonya andzern irenc [email protected] zohen hanun @ndhanur shaheri.Hajoxutyun ev haxtanak em maxtum sksa& gor&um.
Հայկ
Հետք.-ին, Հարգելի պարոն Բաղդասարյան եթե հիշում եք մի դեպքով դուք վստահեցրիք, որ կարող եք քաղաքացու անունից հարցում անել պատական պաշտունիային /Հայկ/ Այժմ խնդրում եմ Ձեզ. վերցնել իրավաբանական անձանաց պետական ռեգիստրի գրությունը, որտեղ նշված կլինի այն որ «ՎՏՎ էներջի»-ին հիմնադրվել է 2011 թվականին և կցելով հարցմանը, որը թող բովանդակի հետևյալ միտքը՝ մոտավորապես իհարկե- : Նշված գրության մեկ օրինակնել ուղարկել ՀՀ Նախագահին և խնդրել/ի դեպ խնդրանքի տակ կարող եմ ստորագրել նաև ես/, որպիսի Մեծարգո մարզպետի պատասխանները լիսի անձամբ ՀՀ նախագահը /հաշվի առնելով իհարկե հարցի հասարակական մեծ հնչեղությունը/ և որ ամենակարևորն է հերառձակվի ուղիղ եթերով: Եթե հնարավոր է նման ձևաչափ ապա կարծում եմ ամեն հարց իր արդարացի լուծումը կստանա: Հարգանքներով Հայկ
Կարինա
Ես էլ կողմ պարոն Աբրահամյանի բողոքին: Ուզում եմ հավատալ, որ արդարությունը կվերականգնվի: Առդեն մեծ քայլեք արել - մարդիկ լսում են Ձեզ, փորձում օգնել.....
Rustam
Bayc et [email protected] shat anbaxt a, et [email protected] ekac orvanic ha porcum a inch vor baneri dzerq qci u chi stacvum. karcem mi angam el inch vor hivandanoci glxavor bjishk er grdon anelov nshanakel. Xexchi glxin shan lap tapecin...
Ani
Փաստը մնում է փաստ.... Նույն տարածքի վրա երկրորդ թույտվություն է տրվել... դրանով ամեն ինչ ասված է.... Պարոն նախարար բա տեսնում ես նախքան մի բան ձեռնարկելը պետք է գոնը մի փոքր մտածել...քանի որ ինչպես դեպքերը ցույց են տալիս,,, ոչ բոլորն են ծախու ու ոտնահարվող... Մարդ կա մարդա, մարդ էլ կա Բնապահպանության նախարարը Ձեզ օրինակ :))) Այ վաղը մյուս օր երբ, որ նման մոտեցում ցուցաբերող նախարար մարզպետ կոչեցյալներին մի լավ քարկոծեն ու պաշտոնանկ անեն, իրենցից հետո եկողներին արդեն դաս կլինի ու մի փոքր ավելի շրջահայաց կլինեն
Վարազ Սյունի (Ամստերդամ)
Ամոթ է արդեն ուղղակի:Մինչև երբ պիտի 30 մարդ թալանի 3 միլիոնին:.............................. ԼԱՎ ԼՈՒՐ-Հայաստանում ՎԱԽԸ ԿՈՏՐՎԵԼ է,թեև մի քիչ ուշ. Թռչկանի ջրվեժի պատմությունը միայն ՍԿԻԶԲՆ է(ր): Այս անգամ էլ շնորհակալություն Արաբներին:
ARAM HOVHANNISYAN
Այ սենց պահերին է, որ մարդ ամաչումա, որ ինքն էլ էդ մարզպետն ու կոչեցյալ իբր նախարարը հայ են>>> ... Ասա ի վերջո մարդ եք, թե թուրք??? Լավ հասկացանք Ընկեր, Բարեկամ, Ծանոթ,,, բայց ամեն ինչն իր չափն ու սահմանն ունի վերջիվերջո.... Էդքան զուրկ եք ուղեղից Ձերը ստեղծեք, ուրիշի քրտինքով ու տանջանքով ստեղծածն եք ուզում խլած լինել, մի հատ էլ հրեշտակ եք ձևանում... Ամոթա ամոթ,,, ԱՊՐԵՔ ՍՊԸ,, այ էդպես մինչև վերջ, դրանց նմանների հախից պետքա գալ, որ մի քիչ ուշկի գան... Ձեզ հաջողություն ու կարևորը համբերություն...
Տիգրան
Շատ ճիշտ եք նկատէլ դատական համակարգի պոռնիկ լինելը, դատավոր Ենոքյանը խոստովանելով (իհարկե ոչ պաշտոնապէս) որ ԱԼՌՈՒԲ ը լրիվ ճիշտ է, այնուամենայնիվ թույլատրէց «ՎՏՎ էներջի»-ին շարունակել անօրեն շինարարությունը (ասելով՝ կարեւորը նա է թե ում թիկունքին ով ա կանգնած):
Հետք
Հարգելի Աննա, եթե ուշադիր հետեւած լինեք կայքին, նկատած պետք է լինեիք, որ խմբագրությունը չի կրճատում կամ խմբագրում մեկնաբանությունները, այլ հաստատում է կամ ջնջում պարզապես:
Աննա
Ուղերձս թերթի խմբագրությանն է վերաբերվում: Հարգելիներս, գերադասելի է ողջ մեկնաբանությունը չհրապարակել, քան անհիմն և անգրագետ կրճատելու արդյունքում աղճատել նախադասության իմաստն ու մեկնաբանության ողջ նմատակը:
Գագիկ
Դժվար թե էս փչացած կառավարությունը ու դատական պոռնիկ համակարգը արդար որոշում ընդունէն, բայց ամէն դէպքում պայքարէք մինչեւ վէրջ, Աստված ճշտի կողմնա ու Էս այլասէրված կառավարությունը դէռ սէրունդներով պիտի պատժվի. Փառք Աստծուն որ նախագահը ուզումա արդարություն հաստատի. Տէսնէս ինչքանովա անկէղծ ?
Յուրա
Կարելի է եզրակացնել, որ փոխվարչապետ Արմեն Գեւորգյանը նույն տարածքում երկրորդ ՀԷԿ-ի կառուցումը թույլատրել է Վայոց-Ձորի մարզպետի անձնական խնդրանքի համաձայն, այլ ոչ թե հիմք ընդունելով իրավասու մասնագիտական հանձնաժողովի եզրակացությունը: Խնդրում ենք մեկնաբանել արդյոք մարզպետը վեր է կանգնած օրենքից և իր խնդրանքը փոխարինում է օրենքով սահմանված մասնագիտական հանձնաժողովի եզրակացությանը:
Արթուր
մի առիթով Կանտը գրել է Երբ արդարությունը վերանում է, չի մնում կյանքին իմաստ հաղորդող և ոչ մի բան, մարդիկ գերադասում են աշխատել կամ համբալություն անել օտար ու անհյուրընկալ ափերում, քան տեսնել թե ինչպես իրենց իսկ ձեռքով ձայն ստացած մարդիկ, այն էլ պատերազմող երկրում, թալանով զբաղվում
Արմեն
Արդարարությունը կվերականգնվի հաստատ պարոն' Աբրահամյան,: քանի որ արդեն մեծ հաջողություն է խնդրի մասին բարձրաձայնելը:
Hayk
Es nuynpes koxm em paron Abrahamyani boxoqin,harkavor e verj tal [email protected] sepakan shaheri hamar ogtagortselu dajan aratin.........
Սամվել
Ճշմարտությունը չի կարող թաքնված մնալ: Շուտով ամեն ինչ կպարզվի և պարոն Աբրահամյանը կստանա իրեն հուզող բոլոր հարցերի պատասխանները:
Anush
Ես կողմ ես պարոն Աբրահամյանի բողոքին, պետք է չէ՞ վերջապես արդարությունը վերականգնվի,և պարզվի ճիշտ իրականությունը,որովհետև ճշմարտությունը մեր ամենաթանկ հարստությունն է, եկեք նրա հետ հոգատարությամբ վարվենք և չանտեսենք:Ես համոզված եմ, որ պարոն Աբրահամյանը կստանա այս հարցի ճիշտ ու արդարացի դատարանի որոշումը :
Գագիկ
Հետաքրքիր է, մեր պապերը նման երկիր էին երազում... Ամենուրեք խարդախություն, խաբեուրյուն, փախեփախ, թալանչիություն, զոռբայություն... Տեսանյութը նայում եմ ու հիշում Թռչկանի ջրվեժի պատմությունը: Հարգելի Աբրահամյան, Ձեզ ուժ, համբերություն: Հուսով եմ, որ այս պարագայում էլ արդարությունը կհաղթի:
MANE
Ես նույնպես կողմ ես պարոն Աբրահամյանի բողոքին, հարկավոր է վերջ տալ պաշտոնը սեփական շահերի համար օգտագործելու դաժան արատին: Համոզված եմ, որ նրա բողոքը կգտնի իր իրավական լուծումը, քանզի չի կարող արդարությունը քողարկվել, և պարոն Աբրահամյանի բողոքը մնալ անպատասխան:Տեղին ե հիշել այս խոսսքերը, որ Ճշմարտությունը նման է դառը ըմպելիքի, որը տհաճ համ ունի, բայց դրա փոխարեն վերականգնում է առողջությունը: Տվյալ պարագայում կվերականգնվի արդարությունը: Պարոն Աբրահամյան մենք ձեզ հետ ենք.............
Արմեն
Ընդունված գործելաոճ Հայաստանի պաշտոնյաների կողմից. Չունենալով սեփական մտքի և շնորհքի միջոցով սեփական բարեկեցությունը ապահովելու հնարավորություն, նրանք կարող են միայն ուրիշների հաշվին դա անել: Նման երևույթների դեմ կազմակերպված և համառ պայքարի միջոցով է միայն հնարավոր մեր իրավունքների պաշտպանությունը այս անօրեն երկրում: Այդ ժամանակ մեր ձրիակեր պաշտոնյաները սոված կմնան ու չեն ձգտի պաշտոնների: «ԱլՌուբ» -ի սեփականատերերին մաղթում եմ համբերություն և հաջողություն, իսկ ձրիակեր պաշտոնյաներին`աքսոր Հանրապետությունից:
Աննա
Անպարկեշտությունն ու այլասերվածությունը, ավազակությունն ու անօրինականությունը վաղուց են դարձել երկրի շատ չիշխանավորների ու չպաշտոնյաների հանապազորյա հացն ու գոյատևման աղբյուրը: Հպարտանում եմ, որ մեր երկրում դեռ Ձեզ պես մասնագետներ ու արդարության ջատագովներ կան, պարոն Աբրահամյան: Ինչպես Դուք ասացիք, նրանք ներս են մտել ՁԵՐ տան տարածք: Սրանց նմաններին միայն անդամահատել ու վառել է պետք: Ես կոչ եմ անում, որպես սեփականատեր, պայքարել մինչև վերջ: Թող ողջ սփյուռքը (ումից անբարոյական կնոջ պես համար փողեր մուրալով իրենց շնությունն ավելի են շենացնում) իմանա, թե որն է Հայաստանի իրական դեմքը, և ինչպիսի չպաշտոնյաներ են վայելում հայ ժողովրդի զավակների հացն ու քրտինքը:
Արման
Ծանոթանալով վերը նշված նյութերին եվ մեկնաբանություններին, փաստացի երեվում է, որ մեր պաշտոնյաները չարաշահելով իրենց դիրքը եվ մոլորեցնելով դյուրահավատ մարդկանց, նրանց մտահաղացումը յուրացնելով եվ մոտավորապես պատկերացնելով մոտ ապագայի ստանալիքը` իրենք են անօրեն ճանապարհով առաջ ընկել եվ փորձել խաբեբայությամբ հասնել արդյունքի: Հուսով եմ, որ մեր երկրում երբեվէ օրենքը ավելի գերակա պետք է դասվի, քան պաշտոնյան,կամ հեղինակությունները, թող այս դեպքը նախադեպը լինի արդարության,,,
Anna
Պարոն Ալիկ Աբրահամյան մաղթում եմ Ձեզ հաջողություն ու համբերություն օրենք չգործող երկրում օրենքով առաջնորդվելու համար:
Ռուբեն
Այնպիսի տպավորություն է ստացվում, որ մարզպետը թույլ է տվել ՍՊԸ-ին` իրականացնելու նշված ՀԷԿ-ի նախագծա-նախահաշվային և տեխնիկատնտեսական դժվար և հոգնեցուցիչ աշխատանքները, հետո էլ տեսնելով տվյալ տեղում կառուցվելիք հիդրոէլեկտրակայանի հետագա եկամտաբերությունը, յուրացրել է Ալիկ Աբրահամյանի մտահղացումը և ունենալով վարչական լծակներին տիրապետելու առավելություն, առաջ է ընկել հեղինակից և արագորեն հասել ֆինիշին: Ցավալին այն է, որ այսպիսի դեպքերը տեսնելով, գիտակ և նախաձեռնող շատ անհատներ կզգուշանան և կխուսափեն երկրի էներգահամակարգին օգտակար նման գործեր ձեռնարկելուց: Հարգելի Աբրահամյան, նախապես պատկերացնելով, թե ինչքան ջղեր եք քայքայելու այսօրվա դատական ատյաններում, ես Ձեզ մեծ համբերություն ու համառություն եմ մաղթում` Ձեր ձեռնարկած օգտակար գործը հաղթական ավարտին հասցնելու համար:
Մարինե
Ողջունում եմ Ա. Աբրահամյանի համարձակությունը: Պետք է վերջ դնել : Աթոռ ունեն` լավ, պաշտոն ունեն` ավելի լավ, Աստված ավելիին արժանացնի...Մինչ ուրիշի արյուն-քրտինքով ստեղծածը կուլ տալը մեր պաշտոնյաները պետք է մտածեն, որ ասածը կա: Հարգելի Աբրահամյան, Ձեր գործերին հաջողություն եմ ցանկանում ու տա Աստված, որ մի քանի տարի անց, Հայաստանի էներգահամակարգը իր հզորությունն ավելացնի նաև ՍՊԸ-ի կողմից շահագործվող ՀԷԿ-ի արտադրած էներգիայի հաշվին:
Տիգրան
Սէրգեյ Բագրատյանը բացահայտ ստում է: «ՎՏՎ էներջի»-ին հիմնադրվել է 2011 թվին: https://www.e-register.am/am/companies/197333 Իսկ ինչ վէրաբէրվում է Արմեն Գեւորգյանին, նրա անունը ինքն է տվել եւ հաստատել երդումով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter