Սեպտեմբերի 9-ին տեղի ունեցավ Հայաստանի փաստաբանների պալատի ընտրությունը: Առաջադրված միակ թեկնածուն կառույցի գործող նախագահ Արա Զոհրաբյանն էր:

ՀՀ փաստաբանների պալատի հաշվիչ հանձնաժողովն ամփոփել է «ՀՀ փաստաբանների պալատի նախագահի ընտրություն» օրակարգային հարցով ընդհանուր ժողովի արդյունքները:

Համաձայն հաշվիչ հանձնաժողովի 09.09.2017թ. թիվ Ն-1 որոշման՝ ՀՀ փաստաբանների պալատի ընդհանուր ժողովի կողմից չորս տարի ժամկետով ՀՀ փաստաբանների պալատի նախագահ է ընտրվել փաստաբան Արա Գագիկի Զոհրաբյանը:

Ընտրությանը մասնակցած 1087 փաստաբաններից Զոհրաբյանի թեկնածությանը կողմ էին քվեարկել 1002-ը:

Հիշեցնենք, որ Արա Զոհրաբյանը Փաստաբանների պալատը ղեկավարում է 2013 թվականի հոկտեմբերից: