«Եթե ՀՅԴ-ն քաղաքականությունից հեռանա, հայաստանյան քաղաքական դաշտը կիսատ կմնա: Սա այն կուսակցությունն է, որն իր հիմնական ընտրազանգվածն ունի»,- հայտարարել է ՀՀԿ փոխնախագահ Գալուստ Սահակյանը:

«ՉԻ» - Գալուստ Սահակյանի անկեղծությունն, ինչպես միշտ, հուզիչ է: Մարդը քաղաքականության նրբերանգների մեջ շատ չի խորանում, ինչ գիտի, ասում է: Նա լսել է, որ ՀՅԴ գոյությունն ապագա խորհրդարանում ցանկալի է (իշխանությունների համար), և ինչքան կարողանում, գովազդում է:

Ի դեպ, որևէ մեկը կարո՞ղ է պատկերացնել, որ, ասենք, «Կոկա-կոլայի» գովազդային հոլովակում ինչ-որ մեկը հետին պլանում «Պեպսի» խմի, կամ, ասենք, «Մալբորո» սիգարետի գովազդային հոլովակում կովբոյի գրպանից պատահաբար մի տուփ «Ռոթմանս» ընկնի: Նման բան հնարավոր է միայն մի դեպքում. եթե այդ ֆիրմաների միջև նախնական պայմանավորվածություն կա, և նրանք իրականում մրցակիցներ չեն:

Բայց այսքանը՝ իմիջիայլոց: Հետաքրքիր է՝ ինչո՞ւ է իշխող կուսակցության փոխնախագահը կարևորում «ընդդիմադիր» ՀՅԴ-ի ներկայությունն ապագա խորհրդարանում: