Տեսանյութեր
Լուսանկարներ
Պաշտպանության նախարարն ընդունել է ԵԽ երևանյան գրասենյակի ղեկավարին
Սեպտեմբերի 15-ին պաշտպանության նախարար Վիգեն Սարգսյանն ընդունել է Եվրոպայի Խորհրդի երևանյան գրասենյակի ղեկավար Նատալյա Վուտովային:
Նախարարության լրատվական ծառայությունը հայտնում է, որ հանդիպման ընթացքում քննարկվել են Եվրոպայի Խորհրդի և Հայաստանի պաշտպանական գերատեսչության համագործակցությամբ իրականացվող ծրագրերը: Կողմերն անդրադարձել են նաև Եվրոպայի Խորհրդի հետ Մեծ Բրիտանիայի օժանդակությամբ իրականացվող ծրագրին, որի նպատակն է ՀՀ զինված ուժերում մարդու իրավունքների պաշտպանության մակարդակի համապատասխանեցումը եվրոպական չափանիշներին:
Նատալյա Վուտովան ՀՀ պաշտպանության նախարարին տեղեկացրել է, որ ծրագրի առաջին փուլը մոտենում է ավարտին և ԵԽ երևանյան գրասենյակը շարունակելու է աշխատանքները ծրագիրն ամբողջ ծավալով իրականացնելու ուղղությամբ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել