Ասիկա, ի հարկէ, «Հետք»-ի հարցը չէ միայն, այլ ընդհանրապէս ամբողջ հայաստանեան մամուլին։ Արդեօք ժամանակը չէ՞ հասած, որ հայերէն անուններու աղաւաղումը վերջանայ։ Եթէ հայաստանցի որեւէ Կարոյի անունը կ-ով կը գրուի, այդ անունը ինչո՞վ կը տարբերի որեւէ սփիւռքահայ (այս պարագային՝ թրքահայ) Կարոյի անունէն։ Հայաստանցի Կարոն պիտի հնչուի Karo, իսկ սփիւռքահայ Կարոն՝ Karօ։ Կը կարծէք, որ վերջինս պիտի ըմբոստանա՞յ։ Կա՞մ արեւելահայ գրողը այնքան տրամաբանութիւն չունի (խորապէս կը կասկածիմ, որ չունի), որ ըմբռնէ, թէ իր դիմացը ելած Garo Paylan-ը (իսկ ինչո՞ւ «Փալյան», ի դէպ, երբ պէտք է ըլլայ «Փայլան») հայերէն անուն մը ունի, որ չի տարբերիր իր գիտցած Կարոյէն։ Կա՞մ արդեօք կը պատրաստուինք, ապագային, որեւէ սփիւռքահայ Vartan-ի մը անունը «Վարտան» գրելու...։

Պէտք է ԿԱՐՕ (Կարապետ) գրուի, ոչ թէ ԳԱՐՈ․․․․Մի թէ այդքան տխմար կայ ԱԳՆ- ում։