Համերաշխության միջազգային օրվա կապակցությամբ «Համերաշխության շարժում» հասարակական կազմակերպությունը «2011 թ. ամենահամերաշխ մարդ» մրցանակը շնորհել է «Բարգավաճ Հայաստան» կուսակցության նախագահ Գագիկ Ծառուկյանին:

Քաղաքականության ոլորտում այս մրցանակը Հայաստանում հանձնվում է առաջին անգամ: 2009 թ. համերաշխության մրցանակը տրվել էր մշակութային ոլորտի ներկայացուցիչ հայտնի երգահան Արա Գևորգյանին:

ԲՀԿ նախագահը, շնորհակալություն հայտնելով մրցանակի համար, նշել է, որ հասարակական-քաղաքական գործունեության մեջ միշտ առաջնորդվել է համերաշխության, համաձայնության և փոխադարձ հարգանքի սկզբունքներով:

«Մեր հասարակության մեջ պետք է գերիշխող լինեն փոխադարձ հարգանքը, հանդուրժողականությունն ու համերաշխությունը: Միայն միասնական ջանքերով, համերաշխության ու խաղաղության մթնոլորտում մենք կարող ենք կառուցել բարգավաճ երկիր»,- ընդգծել է ԲՀԿ առաջնորդը:

Հիշեցնենք, որ ՄԱԿ-ի Գլխավոր ասամբլեայի կողմից Համերաշխության միջազգային օրը հռչակվել է 2005 թ. դեկտեմբերի 22-ը՝ ՄԱԿ-ի աղքատության վերացման առաջին տասնամյակի (1997-2006) կապակցությամբ: