Անցյալ շաբաթվա վերջում Ֆիլիպինների հարավը պատուհասած «Վաշի» արևադարձային մրրիկի զոհերի թիվը հասել է 1002-ի: Այս մասին հայտնում է CNN-ը՝ վկայակոչելով Ֆիլիպինների Աղետների ռիսկի նվազեցման և կառավարման ազգային խորհրդի ղեկավար Բենիտո Ռամոսի տվյալները:

Նախորդ օրը նախագահ Բենինյո Ակինոն ողջ երկրում արտակարգ դրություն էր հայտարարել արևադարձային մրրիկից տուժած վայրեր այցելելուց հետո:

Փոթորկի պատճառով անտուն են մնացել տասնյակ հազարավոր մարդիկ: Մարդասիրական կազմակերպությունները փորձում են պայքարել ուժգնացող հումանիտար ճգնաժամի դեմ:

«Կարմիր խաչն» ասել է, որ հարյուրավոր մարդիկ են անհայտ կորել, երբ մրրիկը սրբել-տարել է ամբողջ գյուղեր:

Լուսանկարը՝ AFP-ի