Հոկտեմբերի 24-ից 27-ը Երևանում կայացած ֆրանկոֆոն քաղաքապետերի միջազգային ասոցիացիայի 31-րդ Գլխավոր համաժողովին ակտիվ մասնակցելու և բարեխիղճ աշխատանքի համար, Երևանի քաղաքապետարանի աշխատակազմի քարտուղարի շնորհակալագրեր են հանձնվել քաղաքապետարանի ենթակայության մի շարք դպրոցների ուսուցիչների, ֆրանսալեզու բուհերի ուսանող-կամավորների, «Ալյանս Ֆրանսես դը Արմենի» կազմակերպության անդամներին, ինչպես նաև համաժողովին մասնակցած անհատ քաղաքացիների:

Երևանի քաղաքապետարանի աշխատակազմի քարտուղարի ժամանակավոր պաշտոնակատար Սերգեյ Մակարյանն իր շնորհակալական խոսքում նշել է, որ Գլխավոր համաժողովը և, ընդհանրապես, Ֆրանկոֆոնիայի օրերը Երևանում  բարձր մակարդակով անցկացնելու հարցում մեծ է եղել կամավորների դերը: Հանդիպմանը մասնակցող Հայաստանում Ֆրանսիայի դեսպանատան ներկայացուցչին էլ Սերգեյ Մակարյանը խնդրել է Երևանի քաղաքապետ Տարոն Մարգարյանի անունից  արտակարգ և լիազոր դեսպան Անրի Ռեյնոյին փոխանցել քաղաքապետի շնորհակալությունը` ֆրանկոֆոն քաղաքապետերի միջազգային ասոցիացիայի 31-րդ Գլխավոր համաժողովը պատշաճ կազմակերպելու գործում աջակցելու համար:

Երևանի քաղաքապետարանի տեղեկատվության և հասարակայնության հետ կապերի վարչություն