ՀՀԿ-ն խիստ դառնացած է իջևանյան քաղաքական պարտությունից ու որդեգրել է տարօրինակ ու հնացած մի գործելակերպ: Կուսակցության վերնախավից հրահանգ է իջեցվել վերևներին ներկայացնել պետական կառույցներում աշխատող այն անձանց ցուցակները, ովքեր առաջիկա ընտրություններում հնարավոր է չաջակցեն ՀՀԿ-ին: Ցուցակները կազմում ու Երևան են ուղարկում կուսակցության տեղական կառույցների ղեկավարները:

Մեր ունեցած տեղեկություններով` արդեն շատ մարդիկ տարբեր անհեթեթ պատճառաբանությամբ հեռացվել են աշխատանքից: Նրանց մեջ և՛ ՀՀԿ, և՛ ԲՀԿ անդամներ, և՛ անկուսակցականներ կան: Առիթից օգտվելով` տեղական կառույցների ղեկավարները ներկայացնում են նաև իրենց անձնապես անցանկալի մարդկանց անուններ: Ի դեպ, այդ «ստուկաչները» բավականին բարձր պաշտոններ են վարում: