Նոյեմբերի 9-ին և 10-ին Երևանի Հովհաննես Թումանյանի անվան պետական տիկնիկային թատրոնում տեղի կունենա ճապոնական երաժշտական ներկայացում այնպիսի ավանդական ճապոնական երաժշտական գործիքներով, ինչպիսին է, օրինակ, շամիսենը: Ներկայացումը նվիրված է Ճապոնիայի և Հայաստանի միջև դիվանագիտական հարաբերությունների հաստատման 25-ամյակին։ Այս մասին տեղեկացնում է Հայաստանում Ճապոնիայի դեսպանությունը։ 

Մուտքը ազատ է: Դեսպանությունը հայտնում է, որ տոմսերը հնարավոր է ձեռք բերել թատրոնի տոմսարկղից (ներկայումս տոմսերը դեռ տպագրվում են, երբ տոմսերը պատրաստ լինեն տեղեկատվությունը կտեղադրվի կայքում)։ Խորհուրդ է տրվում տոմսը վերցնել նախապես: Բոլոր ցանկացողները հրավիրված են ներկա գտնվելու այս ներկայացմանը:

լուսանկարը՝ www.hoshinoresorts-magazine.com-ի