HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Գերմանական և ֆրանսիական ընկերությունները լիցենզիա ստացան

Կառավարությունը այսօրվա նիստում որոշեց թույլատրել գերմանական «ՋԻԹԵՔ ՔՆՍԱԼԹ ԳՄԲՀ», «ԷՍԱՐՓԻ Շնայդեր ընդ Փարթներ Ինժենյոր-Քընսալթինգ» ընկերություններին և ֆրանսիական «ՍԱՖԵԺ» ընկերությանը «Կոմունալ ենթակառուցվածքների Ծրագիր II-Փուլ 3» ներդրումային ծրագրի շրջանակներում իրականացնել քաղաքաշինական փաստաթղթերի մշակում և շինարարության որակի տեխնիկական հսկողություն՝ հիդրոտեխնիկական:

Ընկերություններին նման աշխատանքներ իրականացնելու լիցենզիա տրվեց՝ հաշվի առնելով այն հանգամանք, որ Հայաստանի կառավարությունը և Գերմանիայի Դաշնային Հանրապետությունը կնքել են ֆինանսական համագործակցության համաձայնագիր։ Ինչպես նշվում է գործադիր բերված որոշման նախագծում՝ «Կոմունալ ենթակառուցվածքներ Ծրագիր II-Փուլ 3»-ի նպատակն է վերանորոգել, նորացնել և ընդլայնել ջրամատակարարման և ջրահեռացման համակարգերը: Այդ իսկ պատճառով, դրա իրագործման համար անհրաժեշտ է իրականացնել  ջրամատակարարման և ջրահեռացման համակարգերի նախագծման և շինարարության որակի հսկողության ծառայություններ, որի համար ընկերություններին անհրաժեշտ է համապատասխան լիցենզիա։

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter