Երևանի քաղաքապետ Տարոն Մարգարյանի նախաձեռնությամբ` քաղաքապետարանի ենթակայության մտավոր թերզարգացում ունեցող թթ. 2, 6 եւ խոսքի խանգարումներ ունեցող թիվ 8 հատուկ դպրոցներում սովորող աշակերտներին քաղաքապետարանի աշխատակազմի երեխաների իրավունքների պաշտպանության բաժնի կողմից մատուցվել են ամանորյա անկնկալ նվերներ:

Ամանորին ընդառաջ դպրոցին մարզական պարագաներ և համազգեստներ են հանձնվել: Երեխաների համար էլ, քաղցրավենիքի հյուրասիրությունից զատ, սիրված հերոսների հետ պարելու, երգելու եւ լուսանկարահանվելու հնարավորություն է ընձեռվել:

Երեխաների իրավունքների պաշտպանության բաժնի պետ Իդա Խաչատրյանը նշել է, որ, չնայած այցերը հատուկ դպրոցներ պարբերական բնութ են կրում, սակայն այս հաստատություններում սովորող ավելի քան 260 երեխայի համար Ամանորից առաջ նման միջոցառում կազմակերպվել է առաջին անգամ:

Շնորհակալություն հայտնելով ջերմության եւ նվերների համար` երեխաներից ոմանք անկեղծացել են ու ասել, որ նախքան Ձմեռ պապիկին նամակ գրելը` իրենց խնդրելիք նվերներն արդեն ստացան: Այս մասին հայտնում է Երևանի քաղաքապետարանը: