Արարատյան դաշտում, ջրային ռեսուրսների արդյունավետ կառավարման և ջրի խնայողության նպատակով շարունակվում են խորքային հորերի փականային ռեժիմի բերման աշխատանքները: Այս մասին տեղեկացնում է բնապահպանության նախարարության մամուլի ծառայությունը:

Նախարարության աշխատակազմի ջրային ռեսուրսների կառավարման գործակալության աշխատակիցների կողմից մեկ շաբաթվա ընթացքում Արարատի մարզի Սայաթ–Նովա, Մարմարաշեն, Ռանչպար, Սիս, Սիփանիկ, համայնքների վարչական տարածքներում գործող՝ համապատասխանաբար <<Գոլդեմ Ֆիշ-Կ>> ՍՊԸ-ի (299,0 լ/վրկ), <<Մխչյան Ֆիշ>> ՍՊԸ-ի (229,0 լ/վրկ), <<Հունան Ֆիշ>> ՍՊԸ-ի (16,0լ/վրկ), Աշոտ Հովհաննիսյանին (60,0 լ/վրկ), Խաչատուր Սահակյանին (67,0լ/վրկ) պատկանող խորքային հորերի  փականային ռեժիմի բերման արդյունքում խնայվել է մոտ 671,0լ/վրկ /տարեկան` 21 մլն մ³/ ջուր:

 Արարատյան դաշտի ջրային ռեսուրսների խնայողությանն ուղղված միջոցառումները շարունակվում են: