Այս տարվա սեպտեմբերի վերջի դրությամբ Հայաստանի համախառն պետական պարտքը կազմել է 6.308 մլրդ ԱՄՆ դոլար։ Սեպտեմբերի ընթացքում այն աճել է ավելի քան 48 մլն դոլարով կամ 0.8%-ով։ Իսկ տարեսկզբի համեմատ պարտքն աճել է 366 մլն դոլարով կամ 6.1%-ով։

Այս մասին են վկայում Ֆինանսների նախարարության տրամադրած տվյալները։

Վերջին մեկ ամսում միայն արտաքին պետական պարտքն աճել է 46.5 մլն դոլարով ու կազմել 5.068 մլրդ դոլար է։ Իսկ տարեսկզբի համեմատ այն ավելացել է ավելի քան 262 մլն դոլարով կամ 5.4%-ով։

Իսկ ներքին պարտքը 1.24 մլրդ դոլար է։ Սեպտեմբերին այն աճել է 1.5 մլն դոլարով։

Տարեսկզբի համեմատ աճը կազմել է մոտ 104 մլն դոլար կամ 9.1%-ով։ Արտաքին պարտքի մոտ 88%-ը Կառավարության պարտքն է, մնացածը՝ Կենտրոնական բանկինը։