Երեկ գիշերը՝ ժամը 23:50-ի սահմաններում, ոստիկանության Շենգավիթի բաժնի ծառայողները Մայիսի 9-ի փողոցից բերման են ենթարկել երեք երիտասարդի. նրանց մոտ հայտնաբերվել է 28 գրամ  կանաչ գույնի կանեփանման զանգված և գաղտնի փականով ծալովի դանակ: 

Բերման ենթարկվելիս երիտասարդները Մայիսի 9-ի փողոցի թիվ 11/Ա շենքի բակում դեն են նետել իրենց մոտ եղած պոլիէթիլենային պարկը, որի մեջ հայտնաբերվել են բանալիների կապոցներ, կանացի 2 զուգագուլպա և սրածայր գործիքներ: 

«Նշանակվել են դատաքիմիական և դատատեխնիկական փորձաքննություններ: Կատարվում է հետաքննություն»,- տեղեկացնում է ոստիկանության լրատվության վարչությունը: