Այն ժամանակ, երբ ես հնարավոր բոլոր ատյաններում աղաղակում էի իրավապահ մարմինների կողմից իմ հանդեպ իրականացվող անօրինական գործողությունների և դատարանում շարունակաբար պաշտպանվող կեղծ դատական գործի մասին, հանրությունը անտարբեր մնաց այն բժշկի հանդեպ, որի շնորհիվ հարյուրավոր մանուկներ էին լույս աշխահ եկել` երբևէ թույլ չտալով բժշկական սխալներ:

Եվ սա չնայած այն հանգամանքին, որ ես բազմաթիվ նամակներ էի հղել ինչպես ՀՀ նախագահին, այնպես էլ գխավոր դատախազին, ոստիկանապետին, արդարադատության նախարարին, առողջապահության նախարարին, մարդու իրավունքների պաշտպանին…

Այսօր հանկարծ ինչ-որ նորահայտ նախաձեռնություն «զարմանում ու զայրանում» է, թե ինչու է նույն այդ բժկուհին դեռևս աշխատում բժշկական հիմնարկում:

Ակնհայտ է, որ իմ նկատմամբ ցեխոտ պատվեր է կատարվում, այն էլ` խեղաթյուրելով գործում եղած փաստերը: Այն մարդիկ, ովքեր շահագրգիռ են ծանոթանալու գործի մանրամասներին, կարող են տեղեկանալ դրանց 24.08.11 թ. «Ժողովուրդ», 30.07.11 թ. «Նովոյե վրեմյա», 06.05.11 թ «Հայացք» և «Հրապարակ» օրաթերթում լույս տեսած հրապարակումներից:

Ի դեպ` և առողջապահության նախարարության, և Երևանի քաղաքապետարանի առողջապահության բաժնի կողմից գործի քննության ընթացքում հանձնաժողովներ էին ուղարկվել Քանաքեռ-Զեյթուն ծննդատուն` տվյալ դեպքի հետ կապված քննություն անցկացնելու համար, սակայն իմ կողմից կատարված որևէ խախտում չի հայտնաբերել:

Ի վերջո, նույնիսկ այն դատական ակտը, որի դեմ ես մինչև վերջ պայքարում էի, չի ենթադրում աշխատանքի սահմանափակում կամ ազատում: Իսկ իրական հանցագործները` երեխային վաճառած մայրն ու «ադրբեջանցի» հայ գնորդը (երկուսն էլ նախկինում դատապարտված) շարունակում են մնալ ազատության մեջ: Գուցե վերոնշյալ շինծու նախաձեռնությունը իրական հացագործներով սկսի հետաքրքրվել…