Տեսանյութեր
Լուսանկարներ
Սասուն Միքայելյանը վստահ է, որ Հրազդանում արդար ընտրություններ կանցկացվեն
«Հետքի» հարցերին պատասխանում է ԱԺ նախկին պատգամավոր Սասուն Միքայելյանը
Երեկ որոշվեց, որ դուք պետք է մասնակցեք փետրվարի 12-ին կայանալիք Հրազդանի քաղաքապետի ընտրությանը: Հայ ազգային կոնգրեսն (ՀԱԿ) էր այդպես որոշե՞լ, թե՞ ժողովրդի պահանջն էր:
Ժողովրդի պահանջն էր:
Իսկ ՀԱԿ-ը հավանություն տվե՞լ է այդ որոշմանը:
Ի՞նչ հավանություն պիտի տա: Բնական է, որ կողմնակից կլինի: Ընդհանուր ժողովրդին հավաքել էինք` մի 300 հոգով քաղաքապետի ընտրության հարցը քննարկելու համար, իմ թեկնածությունն առաջարկեցին: Բնական է, որ գիտեի իմ թեկնածությունն էին առաջարկելու, բայց չգիտեի, որ այդպես կպնդեին: 3 օր ժամանակ էի խնդրել, երեկ լրացավ այդ 3 օրը եւ շարունակեցին պնդել, ես էլ որոշեցի, որ առաջադրելու եմ իմ թեկնածությունը: Ժողովրդի կամքն է, ցանկությունն է, ես էլ պատրաստ եմ:
Ըստ տարբեր զեկույցների` Հայաստանում երբեք ազատ եւ արդար ընտրություններ չեն եղել եւ միշտ կեղծվել են…
Հրազդանում կլինի արդար ընտրություններ: Ես կողմնակիցն եմ արդար ընտրության: Դուք իմ բնավորությունը, ապրած կյանքը գիտեք: Ամեն ինչի պատրաստ եմ, թույլ չեմ տալու, որ անարդար ընտրություն լինի: Իրանք (իշխանությունները-հեղ.) չեն կարող նորից անարդար ձեւով քաղաքապետ ընտրել: Ես հիմա հրապարակայնորեն հայտարարում եմ, թող դրսից, Երեւանից բերեն հանձնաժողովները փոխեն եւ կանգնեն ու մեկ անգամ աշխարհին ցույց տան, որ կարող են արդար ընտրություններ անցկացնել: Եթե ուրիշ քայլեր անեն եւ անարդարություն լինի, ես պայքարելու եմ:
Լուս.` Գ. Շամշյանի
Մեկնաբանություններ (3)
Մեկնաբանել