HY RU EN

Վիրավոր զինվորների վերականգնողական կենտրոնը կբացվի հունվարի 28-ին

Պաշտպանության նախարար Վիգեն Սարգսյանն այսօր այցելել է «Հերացի» թիվ 1 համալսարանական հիվանդանոցի տարածքում վիրավոր զինվորների համար կառուցվող վերականգնողական կենտրոն, որի բացումը նախատեսված է 2018 թվականի հունվարի 28-ին:

Ինչպես տեղեկացնում է Երեւանի պետական բժշկական համալսարանի լրատվական ծառայությունը, նախարարը ծանոթացել է իրականացվող շինարարական աշխատանքների ընթացքին, զրուցել «Աջակցություն վիրավոր զինվորներին և զինհաշմանդամներին» հասարակական կազմակերպության նախագահ Հայկուհի Մինասյանի հետ:

Հանդիպման ընթացքում պաշտպանության նախարարին ներկայացվել է նաև «Մեկ պատուհան» աշխատանքային նախագիծը և դրա իրականացման հնարավորությունը: