Հյուսիս-Հարավ ճանապարհի կառուցման ժամկետը 2009-2019 թվականն է: 2017 թվականն ավարտվել է, առայժմ հանձնված է ծրագրի միայն առաջին տրանշը: «Հետքի» տրամադրության տակ հայտնված պաշտոնական նամակագրությունից հայտնի է դառնում, որ Հյուսիս-Հարավ ճանապարհաշինության գործում ներգրավված բոլոր կողմերը՝ նախագծողները, պատվիրատուն, կապալառուն և վերահսկողները լուռ կոնֆլիկտի մեջ են եղել: Կապալառուն դժգոհ է եղել նախագծից, պատվիրատուն՝ նախագծողից, վերահսկողը՝ կապալառուից: