2017 թվականին Հայաստանն աշխարհի հետ մոտ  6.426  մլրդ դոլարի առևտուր է արել։ Ինչպես տեղեկանում ենք Ազգային վիճակագրական ծառայության (ՀՀ ԱՎԾ) հրապարակումից, 2016 թվականի համեմատ Հայաստանի արտաքին առևտրաշրջանառության ծավալն աճել է 26.9%-ով։

Մասնավորապես, ապրանքների արտահանումը Հայաստանից 2017  թվականին կազմել է մոտ 2.243 մլրդ դոլար, որը 2016 թվականի համեմատ աճել է 25.2%-ով։

Իսկ ներմուծման ծավալը կազմել է մոտ 4.183 մլրդ դոլար։ Ներմուծումը 2017-ին ավելի արագ տեմպերով է աճել, քան արտահանումը։ Ներմուծման ծավալների աճը կազմել է 27.8%:

Հայաստանի արտաքին առևտրի բացասական հաշվեկշիռը 2017 թվականի հունվար-դեկտեմբերի տվյալներով կազմել է մոտ 1.94 մլրդ դոլար։

Լուսանկարը՝ pixabay.com