Անցած շաբաթ թերթի հետ զրույցում Կոտայքի մարզպետ Կովալենկո Շահգալդյանը այտարարել էր, թե «Հրազդանի քաղաքապետի մեր թեկնածուն՝ ի դեմս քաղաքապետ Արամ Դանիելյանի, խոշոր հաշվով հաղթելու է, եւ առաջարկում եմ հաշվարկներն այս հարթության վրա կատարել»: 

Aravot.am-ի խնդրանքով մեկնաբանելով ՀՀԿ-ական մարզպետի այս հայտարարությունն ու պատասխանելով այն հարցին, թե ինքն իր հաշվարկները հիմա ի՞նչ «հարթության վրա» է կատարում՝ Հրազդանի քաղաքապետի առաջիկա ընտրոթյուններում իր թեկանությունն առաջադրած Սասուն Միքայելյանն ասել է. «Նախ՝ էդ Կովալենկոն թող ինքն իրեն հաշիվ տա, թե ինքն էդ ի՞նչ հեղինակություն է վայելում ժողովրդի շրջանում, որ հիմա էլ ժողովրդի հաշվին հաշվարկներ է անում: Ժամանակը կգա ու կերեւա՝ իր հաշվարկները ճի՞շտ են, թե՞ սխալ: Ինքը սովոր է կեղծիքներով ընտրություններ կազմակերպել, իր պաշտոնն օգտագործել բացառապես իր շահերի ու ժողովրդին ճնշելու համար, բայց էս անգամ խոստանում եմ՝ դա իրեն անել չի հաջողվի»:  

Լուս.` Գ. Շամշյանի