HY RU EN
Տեսանյութեր Լուսանկարներ Փոդքասթ
հետք հետաքննող լրագրողներ
HY RU EN
Asset 3

Բեռնվում է ...

 Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Քրիստինե Աղալարյան

«Արտը խախուտ, մահանեն` կարկուտ». մանկատան 218 շրջանավարտ սպասում է բնակարանի (վիդեո)

20-ամյա  Արսեն Մկրտչյանը և 21-ամյա Ռաֆիկ Խանջյանը մանկատան այն շրջանավարտներից են, որոնք ստիպված դուրս են եկել «Զատիկ» մանկատնից և դժվարությամբ ապաստան գտել: Ռաֆիկ Խանջյանը Երևանի պետական համալսարանի ռոմանագերմանական ֆակուլտետի ուսանող է, ժամանակավոր ընկերոջ տանն է ապրում:

«Տարիքս լրացել էր, ասացին` ժամանակն է, որ դուրս գաք, դուք ձեր գլխի ճարը տենաք»,-այսօր կայացած մամուլի ասուլիսին պատմեց Արսենը: Նա վարձով է ապրում: Ցերեկը սովորում է Երևանի պետական ճարտարագիտական համալսարանի 4-րդ կուրսում, իսկ գիշերն աշխատում է հացի փռում, որպեսզի կարողանա վճարել իր բնակվարձը, միաժամանակ նաև գոյատևել: «Մի քիչ ծանր է` համ սովորես, համ աշխատես, վարձ տաս, բայց...»,- խոսքը կիսատ է թողնում Արսենը: 

Մանկատան շրջանավարտնրի անօթևան մնալու խնդրին այսօր նույն ասուլիսում անդրադարձան ՀՀ ԱԺ պատգամավոր Անահիտ Բախշյանը և «Հետքի» գլխավոր խմբագիր Էդիկ Բաղդասարյանը: 68 երեխաներից այսօր 35 երեխա է ապրում «Զատիկ» մանկատանը: Մնացած 33-ը դուրս է եկել: Այս թվերը հրապարակեց Անահիտ Բախշյանը:

Հիշեցնենք, որ 18 տարին լրացած ավելի քան 15 շրջանավարտի ընդամենը 2 ամիս առաջ են «Զատիկ» մանկատնից դուրս հանել` մանկատների բեռնաթափման գործընթացին զուգահեռ: Մանկատան աղջիկներին տեղավորել են «Ծիածանում` «Զատիկ» մանկատանը կից գործող և մանկատան շրջանավարտների համար նախատեսված տանը, իսկ տղաները տեղավորվել են ինչպես կարողացել են:  

Անահիտ Բախշյանը նշեց, որ օրենքով ամրագրված են առանց ծնողական խնամքի մնացած երեխաների սոցիալական պաշտպանության երաշխիքները, այդ թվում` բնակարանի իրավունքի ապահովումը, սակայն երեխաներին «դուրս են շպրտել»` առանց բնակարանով ապահովելու: Էդիկ Բաղդասարյանն էլ հիշեցրեց, որ 2001 թվականից պետությունը մանկատան շրջանավարտների համար ծրագիր է սկսել, 2003-ից`  բնակարանների կառուցման գործընթացը մանկատան շրջանավարտների համար. «Դա իսկապես փայլուն ծրագիր էր, եթե կարողանային իրականացնել: Մի քանի տարվա ընթացքում կառուցվեց մոտ 156 բնակարան»: Սակայն շուտով պարզվել է, որ այդ ծրագրում մեծ չափերի յուրացումներ են եղել, քրեական գործ է հարուցվել:

«Ինչքան հասկացանք` մարդ չի պատժվել, որովհետև այդ չարաշահումները կապված էին բարձրաստիճան պաշտոնյաների հետ, և գումարները չվերականգնվեցին: Մեր հասարակության մեջ սա նորմալ է համարվում, որովհետև ամեն ինչից մեր պաշտոնյաները փող են աշխատում, նաև մանկատան երեխաների հաշվին էլ կարողացան փող աշխատել»,- ասաց Էդիկ Բաղդասարյանը: 

Շուրջ երկու տարի առաջ ծրագիրը դադարեցվել է: Մանկատան 218 շրջանավարտ դեռևս ցուցակագրված է և սպասում է բնակարանի: Անահիտ Բախշյանը, նախկին սոցապ նախարարի` իրեն ուղղված պատասխանը վկայակոչելով, տեղեկացրեց, որ ծրագիրը կասեցրել են կարգը փոփոխելու պատճառով: Ենթադրվում էր, որ պետք է բնակարանների գնման վկայագրերով իրականացվեր ամբողջ գործընթացը, և 2010-ին նոր կարգ են գրել, բայց մինչ օրս այն չի հաստատվել. «Արտը խախուտ, մահանեն` կարկուտ,-հավելեց Անահիտ Բախշյանը,- կարգը չունենք, փող չեն դնում, բայց որ փողը կար, ի՞նչ էր լինում»: Անահիտ Բախշյանը համոզված է, որ ոչ թե կարգն է պատճառը, այլ ծրագիրը չի ֆինանսավորվում: 

Անահիտ Բախշյանի կարծիքով, Հայաստանում ընդամենը սոցիալական ծրագրեր են գրվում և հաստատվում նաև բյուջեում, բայց այդ ծրագրերի արդյունավետությունը չեն զգում անձամբ մանկատան երեխաները: «Պետական քաղաքականություն, ինստիտուցիոնալ մոտեցում չկա այս խնդրի վերաբերյալ»,- համոզված է պատգամավորը: 

Անահիտ Բախշյանը երեխաներին խորհուրդ տվեց ՀՀ նախագահից օգնություն խնդրելուց բացի նաև պահանջ դնել  աշխատանքի և սոցիալական ապահովության նախարարության վրա, քանի որ բազմաթիվ ծրագրեր կան, որոնց միայն անուններն են հայտնի, սակայն արդյո՞ք որևէ ծրագիր արվում է մանկատան երեխաների կրթության կամ աշխատանքի ապահովման հարցում: 

Էդիկ Բաղդասարյանն առաջարկեց օլիգարխներին կամ գործարարներին պարտադրել, որ նրանց պատկանող հաստատություններում տարին գոնե 2 աշխատատեղ հատկացվի հատուկ մանկատան սաներին, օրինակ` «Գրանդ քենդի»-ում կամ Սամվել Ալեքսանյանին պատկանող խանութների ցանցում: «Այս երեխաները հենման կետի կարիք ունեն, հասարակության մեջ որևէ մեկը չի ուզում նրանց հենման կետ դառնալ, իրենց մի քիչ օգնել է պետք, բոլորը լավ երեխաներ են»,- հավելեց Է. Բաղդասարյանը: 

#Մանկատան բնակարաններ

Մեկնաբանություններ (2)

anny
In the ten years that I visit Armenia . I learn one thing. I will never understand the mentality from the Armenian people. on one site they are very lovely the other site is that I do not understand that they do notting to change there lifes. I was as volantier somethimes 4 times a year in Zatik orphanage.the Director was a very lovely person, bud if I try to change anything it was not going..I always asked my self what I do wrong ,why he not change. slowely I understand that it was the system. in the years I saw that it was going reayly wrong there. if you have 150 children in one building you have to teach them over how life is outside the orphanage, that there is a different between boys and girls you have to teach them in real life,including what to do whit the money including sexlifeI think that it is not only to give them a good life in the orphanage. I know that it is not easy to do this, and in the Netherlands everything is different bud still I am thinkiing that you can do it in a other way. I saw many houses where girls has to live it was realy horrible,my dog has a better hous I have 3 children if they where 14 the take a little work the money they make, I take the half of it that was going to a bank book for later that they did not know, when they go out of my house to married, I give them that bookthen they where very happy whit it. I understand that the children from Zatik becoms also every month a little money from the state,I told the Director that, and say do it in the same way, so if they have to go out then they have a little money to invest in there houses. he only smiling and say that it was not possible, if I asked why not I became the answer that it was not going?after 7 years and alot of things that I want to change was not going, I stop to work there. Now I trafel 2 times a year to Armenia and help people on the street most of the time olther people to give them money for food and clothes. ore do something to change in there houses, like give them a heatsystem so that they not vreeze in winter.I hope to go there again in may 2012 whit love Anny
Zara
Ete Duq chlineiq aron Baghdasaryan, vstah em voch mek@ cher bardzradzayni es khndir@. Vstah em, shat gortsararner karogh en ed eritasardnerin ognel, irenq bolorn el avelin qan normal mardik en, giten kyanqi dar@ ev qaghcr koghmer@, uxxaki petq e mer boloris` hasarakutyan adjakcutyun@ ev SER@ .

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter