HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Նորամարգցի ձկնորս եղբայրները

Դիանա Ղազարյան, Սարո Բաղդասարյան

Արտաշը եկել է հորեղբոր որդու՝ Վանի հետևից, որ միասին ձուկ բռնելու գնան։ Վանը նստում է իր հեծանիվը, դրա առաջնամասին տեղավորվում է Արտաշն ու գնում են Արտաշենց տուն։ Արտաշենց տան դիմացով հոսում է ոռոգելի ջրանցքը, որտեղ երեխաներն ազատ ժամանակ ձուկ են որսում։ Նորամարգցի փոքր ձկնորսները հպարտանում են, որ գյուղի երեխաներից միայն իրենք՝ հորեղբոր երեխաներով են ձուկ բռնում։

Արտաշը 9 տարեկան է, սովորում է չորրորդ դասարանում։ 8 տարեկանից ձուկ է բռնում։ Առաջին անգամ ձկնորսության քեռու հետ է գնացել։ Ամենաշատ ձուկն էլ նրա հետ է որսացել` 4 կգ։ Երազում է շախմատիստ դառնալ։ Շախմատի դասերը կվերսկսի մեկ ամսից։ Տղայի ամենասիրելի զբաղմունքը հոր հետ զբոսնելն է։ Երբ հայրը ժամանակ է ունենում, աշխատանքի չի լինում, փորձում է օրը միայն նրա հետ անցկացնել։ Արտաշն ամեն օր, դասերն ավարտելուց հետո էկրանը գցում է ոռոգելի ջրանցքը, հաջորդ օրը հանում։ Բռնած ձկները բերում է տուն, գցում սառը ջրի մեջ, որ ողջ մնան։ Մի քանի օր հավաքում է բռնած ձկները, հետո մայրիկի օգնությամբ տապակում։

Վանը Արտաշի հորեղբոր տղան է։ Սովորում է իններորդ դասարանում։ Երազում է ֆուտբոլիստ դառնալ։ Ձկնորսությունը նրա սիրելի զբաղմունքներից է, սովորել է հորից։ Արդեն 3 տարի է գյուղի ոռոգելի ջրանցքներից ձուկ է որսում։ Ասում է՝ ձկնորսություն անելիս պետք է լուռ մնալ, ձկները աղմուկ չեն սիրում, իմանում են, որ տարածքում մարդ կա, էկրանը չեն ընկնում։

Երեխաների ձկնորսության գործիքները հարազատներն են սարքել։ Վանի էկրանը պապն է պատրաստել, իսկ Արտաշինը՝ հայրը։ Ինքնաշեն էկրաններն այս պահին երեխաներին բավարարում են, ծնողներից պրոֆեսիոնալ ձկնորսական պարագաներ դեռևս չեն պահանջում։

Գյուղով անցնող ջրանցքները կեղտոտ և ճահճանման են։ Երեխաներն ասում են, որ եղանակները բացվելուն պես ջուրը սկսում է հոսել և այսքան կեղտոտ չի լինում։ Իսկ հիմա բռնած ձկները գցում են մաքուր ջրի մեջ, որպեսզի ուտելու համար անվտանգ դառնա և նոր տապակում են։

Մեկնաբանություններ (2)

Էդուարդ
Հարգելի խմբագրություն, տեղեկացնում եմ, որ էկրաններով /պատկերված է հոդվածի լուսանկարում/, ցանցերով /հատկապես էլաստիկ/ ՀՀ տարածքում սոցիալական նպատակներով /սիրողական, սպորտային/ ձկնորսությունն արգելված է: Պրոպագանդելով անչափահասների կողմից անթույլատրելի միջոցներով ձկնորսությունը, հատկապես այն ներկայացնելով որպես դրվատելի արարք, մենք նպաստում ենք մեր բնության նկատմամբ սխալ վերաբերմունքի արմատացմանը, անուղղակիորեն լեգիտիմացնելով որսագողության նման դեպքերը:
Lutz Kannegiesser
Hello Mr. Eduard, I look in this post finally in happy children's eyes. They catch fish from nature and have fun and something to eat at home. Nature is there to use. I do not see too small a fish. Please take care that enough water is left over for all inhabitants in their country. Thank you.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter