Երեկ գիշերը՝ ժամը 22:53-ին շտապօգնության ծառայությունից արտակարգ իրավիճակների նախարարությունը տեղեկություն է ստացել, որ Էջմիածնի հին խճուղուն հարակից ջրանցքում մարդ է խեղդվում և անհրաժեշտ է փրկարարների  օգնությունը: 

Դեպքի վայր է մեկնել Ճգնաժամային կառավարման կենտրոնի օպերատիվ խումբը: Դեռևս չպարզված հանգամանքներում Երևանի բնակիչ, 1983 թ. ծնված Արշակ Ավետիսյանը հայտնվել է ջրանցքում` ձեռքերը կապած վիճակում: 

«Մինչ փրկարարների ժամանումը, նրան տեղի ուժերով ջրից դուրս են բերել ու հանձնել շտապօգնության աշխատակիցներին: Ըստ բժիշկների` տուժածի առողջական վիճակը բավարար է»,- հաղորդում է Արտակարգ ալիք լրատվական կենտրոնը: