Տեսանյութեր
Լուսանկարներ
Վահան Մարտիրոսյանն ընդունել է Ասիական զարգացման բանկի ներկայացուցիչներին
Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն ապրիլի 5-ին ընդունեց Ասիական զարգացման բանկի (ԱԶԲ) հայաստանյան մասնաճյուղի տնօրեն Շեյն Ռոզենթալին և Հայաստանում ԱԶԲ ծրագրերի ղեկավար Թոմաս Հերցին։
Ըստ նախարարության լրատվական ծառայության հաղորդագրության՝ ներկայացնելով ԱԶԲ-ի ուսումնասիրությունները «Հյուսիս-հարավ ճանապարհային միջանցքի» ներդրումային ծրագրի և (Մ6) Վանաձոր-Ալավերդի-Վրաստանի սահման ճանապարհի կառուցման վերաբերյալ՝ Թոմաս Հերցն իր գոհունակությունը հայտնեց դրանց տեմպերից և աշխատանքների կազմակերպման որակից։
Շեյն Ռոզենթալը ևս ընդգծեց, որ աշխատանքներում նկատելի առաջընթաց կա։
Հանդիպման ընթացքում քննարկվեցին Ասիական զարգացման բանկի համաֆինանսավորմամբ իրականացվող «Հյուսիս-հարավ ճանապարհային միջանցքի» ներդրումային ծրագրին և (Մ6) Վանաձոր-Ալավերդի-Վրաստանի սահման ճանապարհի շինարարությանն առնչվող մի շարք հարցեր։
Անդրադարձ եղավ «Հյուսիս-հարավի» մի շարք հատվածներում հնագիտական պեղումների հետ կապված աշխատանքների երկարաձգման խնդիրներին։ Ընդգծվեց այդ հատվածներում մանրակրկիտ ուսումնասիրություններ անցկացնելու կարևորությունը։
Քննարկվեցին նաև Վանաձոր-Ալավերդի-Վրաստանի սահման ճանապարհի հիմնանորոգման ընթացքի, ԱԶԲ-ի հետ հետագա աշխատանքների և ծրագրի հետ կապված մի շարք հարցեր։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել