HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Փաշինյանը Սփյուռքին կոչ արեց գալ Հայաստան եւ աջակցել «Իմ քայլը» շարժմանը

Հանրապետության հրապարակում այսօր երեկոյան մեկնարկած հանրահավաքին ունեցած իր ելույթում Նիկոլ Փաշինյանն անդրադարձավ կանադահայ դերասանուհի Արսինե Խանջյանի բաց նամակին եւ System of a Down խմբի մեներգիչ Սերժ Թանկյանի ուղերձին: Փաշինյանը, մասնավորապես, ասաց. «Սիրելի Արսինե, նամակ գրելու կարիք չկա, որովհետեւ բաժանորդն անհասանելի է, վեր կաց, արի Երեւան»:

Ապա հիշեցնելով, որ հանրապետության հրապարակը վերջին անգամ այսքան բազմամարդ է եղել Սերժ Թանկյանի համերգի ժամանակ, ասաց. «Սերժ, ահա, այդ նույն ժողովուրդը կանգնած է այստեղ, եւ դու պարտավոր ես գալ եւ կանգնել նրա կողքին»:

Հաջորդիվ նա դիմեց Շառլ Ազնավուրին, որովհետեւ նա նույնպես այն սակավաթիվ մարդկանցից է, որ այսպիսին է դարձրել Հանրապետության հրապարակը: «Հարգելի պրն Ազնավուր, Դուք բազմիցս միջազգային մամուլին հարցազրույց եք տվել` ասելով, որ Հայաստանում գործում է մաֆիայի իշխանությունը, ահա, մաֆիայի վերջը եկել է, եւ Ձեր ներկայությունը հարկավոր է: Ձեր կարիքը կա, որպեսզի մաֆիայի վերջը տանք առանց մի կաթիլ արյան: 

Փաշինյանը շնորհակալություն հայտնեց Սփյուռքի այն հայրենակիցներին, ովքեր ֆինանսավորել են այս շարժումը եւ արդեն երկու օր գործնականում 5 րոպեն մեկ գումարներ են փոխանցում` քաջալերանքի խոսքեր ասելով: 

Սփյուռքին ուղղված ելույթն ամփոփելով` նա ասաց. «Ես ուզում եմ դիմել սփյուռքի մեր երեւելիներին` ասելով` ձեր երազանքի ժամը եկել է, մաֆիայի վերջը եկել է: Դուք ձեր անելիքի առաջին մասն արել եք, երկրորդ մասը` վեր կացեք, բոլորով եկեք Հայաստան եւ ձեր հայրենիքում օրինականություն, ժողովրդավարություն, անկախություն հաստատեք»: 

Մեկնաբանություններ (1)

Hayk
Սիրելի բարեկամներ Have the few prominent diaspora Armenians ever asked to lower Armenia flights price (which means eliminate the oligarchic tax) so the other « non prominent » and less wealthy millions of diasporan Armenians can visit the homeland more often ? Special ticket prices for young people will be made available like in Israël ? Are we finally saying goodbye to these 30 years of star system and political favoritism by the Armenian oligarchy which has damaged the relations between Armenia and diaspora ?

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter