HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Լիանա Սայադյան

Լրագրողները հաղթեցին. առայժմ

Դեկտեմբերի 1-ին ՀՀ վերաքննիչ դատարանը նոր կազմով' Վարդան Ավանեսյանի նախագահությամբ, քննեց «Հետաքննող լրագրողներ»-ի հայցն ընդդեմ Երեւանի քաղաքապետարանի: Այն դատական երկու ատյաններում մերժվել էր, եւ ՀՀ Վճռաբեկ դատարանը բեկանեց վերաքննիչի վճիռը' հայցը ետ ուղարկելով նոր կազմով քննության: Դատական առաջին նիստը նշանակվել էր նոյեմբերի 24-ին, սակայն հետաձգվել էր քաղաքապետարանի ներկայացուցչի բացակայության պատճառով: Դեկտեմբերի 1-ի նիստին էլ քաղաքապետարանը չէր ներկայացել:

Այդուհանդերձ, նիստը կայացավ, եւ «Հետաքննող լրագրողները» պնդեցին քաղաքապետարանի անգործությունն անվավեր ճանաչելու եւ պահանջված տեղեկությունները տրամադրելու մասին հայցապահանջը: Կազմակերպության նախագահ Էդիկ Բաղդասարյանը դատարանից խնդրեց բավարարել հայցը, որպեսզի այն «իր պարտականությունները չկատարող պաշտոնյային պատժելու նախադեպ դառնա»: Վերաքննիչ դատարանը, լսելով հայցվոր կողմի հիմնավորումները, որոշեց հայցն ամբողջությամբ բավարարել' «անվավեր ճանաչել Երեւանի քաղաքապետ Երվանդ Զախարյանի անգործությունը եւ պարտավորեցնել տրամադրել 1997-2003թթ. Օպերայի եւ բալետի պետական թատրոնի հանրային այգում հողահատկացումների մասին որոշումները»:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter